川味美食

营业中

休息中

食过好多卖薯粉嘅食店，啲薯粉都有一个弊病就系太稔，薯粉本身质素差。但川味就绝对唔会令你失望，因为川味美食可能系CP最高嘅薯粉面食店！川味嘅薯粉有粗，有幼。粗薯粉最适合做凉拌/捞薯粉。捞薯粉冇汤而系用特制调味酱料，配料有炸酱，芽菜，花生，粗薯粉吸尽酱料味道，夏天食就最啱喇！幼薯粉有独特嘅纽纹，用筷子夹起嚟唔容易滑落，配汤就最啱！汤底鲜甜有几个唔同辣度，但其实差别唔大。麻辣汤底唔麻唔辣，真心唔推介。如果钟意食辣想加辣，倒不如加枱上面嘅海南黄辣椒酱，比红辣椒酱更辣，坊间食店少有！𩠌菜同车仔面差唔多，款款都几好，冇乜惊喜但又冇乜伏味！下午茶时段嚟食，会送饮品最抵！除咗薯粉外，佢嘅拉面都几好，捞拉面比薯粉多，平日见好多学生哥嚟食。米线/河粉就太稔唔推介。最后要讲吓服务，虽然我同店员阿姐唔熟，但我都想为佢平反一下！店员阿姐只系比较COOL 并唔系态度差，用心发现佢其实好细心。街坊生意，自在最重要！我想讲嘅系，我每次嚟帮衬都好自在，重来冇受过气。