Nathanhouse (已結業)

Nathan house真係超多人，如果本身無book位，應該都好難等到walk-in.今次預早book咗，所以喺門口唔洗點等就可以入去。叫咗蕉糖北海道帆立貝、三文魚籽、青芥末枝豆蓉做前菜。成道菜嘅造型都好特別，唔止外觀夠藝術感，味道亦都好好，帆立貝夠鮮仲有好香嘅芥末味。餐湯係薑汁西洋菜濃湯配香脆煙肉。個湯好香濃，有些微薑汁調味，飲完個身有啲暖。主菜係法式香草雜果仁、烤羊西冷伴雞心豆蓉。羊西冷無咩羊騷味，煎得都軟硬適中，啲薯蓉好好食，重奶香味，成道菜水準幾高。甜品係薰衣草奶凍配士多啤梨凍湯。個甜品有意外驚喜，個奶凍份量比想像中大，超級香薰衣草味，好想encore, 士多啤梨凍湯甜度適中，同奶凍交替食好夾。