Nathanhouse (已結業)

Nathan house真系超多人，如果本身无book位，应该都好难等到walk-in.今次预早book咗，所以喺门口唔洗点等就可以入去。叫咗蕉糖北海道帆立贝、三文鱼籽、青芥末枝豆蓉做前菜。成道菜嘅造型都好特别，唔止外观够艺术感，味道亦都好好，帆立贝够鲜仲有好香嘅芥末味。餐汤系姜汁西洋菜浓汤配香脆烟肉。个汤好香浓，有些微姜汁调味，饮完个身有啲暖。主菜系法式香草杂果仁、烤羊西冷伴鸡心豆蓉。羊西冷无咩羊骚味，煎得都软硬适中，啲薯蓉好好食，重奶香味，成道菜水准几高。甜品系薰衣草奶冻配士多啤梨冻汤。个甜品有意外惊喜，个奶冻份量比想像中大，超级香薰衣草味，好想encore, 士多啤梨冻汤甜度适中，同奶冻交替食好夹。