小豆町日本料理

营业中

休息中

平时间唔中都会去蓝地大街果边食嘢，因为泊车方便，有时经过有间日本嘢都好多人食，见今日落雨少d 人喺机会一于试下先，部车泊正喺门口又睇到车真喺好方便。入到去环境都好宽敞灯光少少暗感觉都几舒服，bar枱有好多唔同种类嘅酒。坐低了店员就送上2小碟小食开开胃都几好，餐牌都有好多选择样样都想叫，最后拣咗6样。最快嚟到喺野菜牛肉锅，牛肉同蔬菜份量十足，汤底清甜配埋饭食就一流。软壳蟹手卷，大大件嘅软壳蟹仲好似多过d饭咁 正！到寿司上盘了，望落都知喺靓料同新鲜。左口裙边咬落起肥美一层鱼油咁劲香口。油甘鱼腩好新鲜，火灸蟹棒寿司又喺大大件烧过硬香口。葱金枪鱼军舰点少少鼓油已经好好味。特别赞一赞芥末八爪鱼军舰，芥末捞埋八爪鱼芥末少少攻鼻超正！我最爱嘅明太子鸡翼到了，明太子塞到饭鸡翼涨卜卜咁，少少辣味嘅明太子连鸡翼一啖落去超满足。2只真喺唔够喉呀！最后烧鸡肾都上枱了，吱dd柠檬汁食好爽口。总括嚟讲我地叫咗咁多样嘢都喺4百几蚊都算好抵食，要赞赞d寿司鱼生够新鲜。