影片
更多
2013-09-04
106 浏览
「难逃厄运」就比较负面，唔吉利，不过今回嘅「蓝屠」就绝对唔喺咩厄运。将自己放逐咗晌大草原之上两个多星期，返到嚟香港依个石屎森林，多抖一日就要开工，面对似喺多到无底嘅工作，只有埋头苦干做做做。晌旅行期间已从面书收到食友LT嘅试食邀请，老实讲真喺好想嚟，不过日子就定咗晌开番工嘅第一日，残念！但喺食友真喺好有心，当日再多次作出邀请，就算晏啲嚟饮吓嘢都话无所谓㖞，咁鬼有诚意，即刻开拫（音：痕）副涡轮增压器，即喺乜？咪个Turbo啰，清咗啲急嘢，拖得嘅就梗喺拖啦，赶到尽，最后以15分钟嘅时间由中环旧政总跑去上环荷李活道近尾嘅蓝屠夫，虽然未必快过打的，但以中环区咁塞嘅状况，敢讲快过搭巴士，结果仲比食友早到几分钟，真喺一额汗，喺真正𠮶种「一额汗」。「屠夫」嘅入口被夹晌Classified及The Press Room之间，唔算太显眼，所以初初行过都唔知。地下位置有个小酒吧区，上去二楼先喺用餐地方，环境颇有情调，枱櫈不拘一格，绝对唔会似个「屠房」。一列吧位之后，就喺开放式厨房，亦喺全场唯一最光嘅地方，晌咁有气氛、咁昏暗嘅环境，绝对喺「恰死」跟咗小弟多年嘅傻瓜DC仔，所以啲相影得唔好请见谅。一纸鸡尾酒餐
「屠夫」嘅入口被夹晌Classified及The Press Room之间，唔算太显眼，所以初初行过都唔知。地下位置有个小酒吧区，上去二楼先喺用餐地方，环境颇有情调，枱櫈不拘一格，绝对唔会似个「屠房」。一列吧位之后，就喺开放式厨房，亦喺全场唯一最光嘅地方，晌咁有气氛、咁昏暗嘅环境，绝对喺「恰死」跟咗小弟多年嘅傻瓜DC仔，所以啲相影得唔好请见谅。
一纸鸡尾酒餐牌，有成10款之多，各人随个人喜好各自拣选，款款单睇名字已感到非常特别，极具心思创意，好有话题性，绝对喺非一般嘅鸡尾酒，例如同枱食友所拣嘅Fig & Cheese, Pork Chop and Apple Sauce, Horse’s Head……，睇名都唔知佢葫芦卖咩药，初时仲以为喺咩菜式名称，不过餐牌已有简单介绍及详细列明成份，好似Pork Chop and Apple Sauce咁，用上Bacon washed blended scotch, Housemade sour mix, Apple Schnapps, 及Fresh apple jam混合，味道如何？试吓你咪知啰！
Apple Pie Moonshine $140
小弟对酒唔算热衷，但趁高兴饮少少亦无妨。依款酒喺公关推介，因为酒精度低，啱我依啲「浅尝」嘅人，以鸡皮纸袋包住玻璃瓶喺其特色，皆因1920年美国通过法例禁酒，当时私酿烈酒嘅人就以此方法遮遮掩掩继续卖酒。酒味果然唔浓烈，加上苹果嘅清甜、原条肉桂嘅甘香，令酒更易入口，咁嘅组合当然称之为「苹果批」啦。
面包篮一篮法包理应无甚特别，但配上香草牛油、橄榄油、黑椒粒、海盐，会唔会多咗少少亮点呢？香草牛油拼黑椒粒搽晌包面，原来都唔错㖞。
主餐牌分为4大类别，称为：Small Plates to Share、Larger Plates、Larger Plates to Share及Butcher’s Cuts。由于店方已安排好晒所有试菜菜式，所以难得安心等食。先嚟一轮5款餐前「小碟」，跟住就喺两道「大盘」及1款「屠夫切肉」，期间仲有数款伴菜Sides，真喺丰富到不得了！Organic Smoked Beetroot / Feta / Cucumber / Pistachio Vinaigrette $120
虽然菜名睇落有啲复杂，但正正让食客清楚有咩食材成份，可避免点咗一啲唔啱食嘅食材。依道烟熏红菜头颇特别，铺面嘅青瓜令人睇落清爽，而入口爽脆，铺底嘅红菜头带点烟熏又带点甜，几有趣；加上面面散落唔少羊奶芝士、开心果仁碎，令味道及口感层次更多重，配合上开心果跟油醋打成青绿色嘅酱汁，真喺挺有惊喜㖞！
Compressed Organic Tomato / Burrata Cheese / White Balsamic / Basil $190义大利番茄夹水牛芝士喺经典前菜之一，而香草罗勒又好似喺佢哋嘅必然配搪。是夜「屠夫」要更「进击」，以腌渍过嘅番茄、意大利软芝士、白葡萄醋及罗勒作为组合，做出此道意式芝士番茄沙律。番茄果肉清甜带微酸，感觉清怡，而意大利软芝士Burrata以水牛芝士加忌廉制成，半溶嘅质感，无水牛芝士咁柔韧，但口感更软滑，散发淡淡芝士幽香；将罗勒叶桩碎加入意大利白葡萄醋，虽未知有几多年陈，但嗒落唔呛喉，颇醇厚，确喺几令人开胃嘅前菜。
Norwegian Salmon Tartar / Avocado / Burnt Lemon Vinaigrette / Horseradish $125分层明显，由下而上有牛油果蓉、挪威三文鱼他他及沙律菜，卖相几精致。牛油果含丰富维生素，三文鱼成日被强调含不饱和脂肪酸奥米加3，营养丰富，所以撇开味道唔讲，依道绝对喺非常有益健康嘅菜式。况且牛油果味道独特又柔滑，三文鱼他他鱼油十足，配合柠檬醋及辣根芥末，味道真喺唔错，题外话，似乎「屠夫」都几喜爱做绿色嘅酱汁哩。
Spanish Ham & Egg / Asparagus / Mushroom / Thyme $125以薄薄嘅西班牙火腿垫底，再配搭上温泉蛋、烤露笋、香煎本菇，既有趣又崭新嘅组合。净食以咸香衬清爽，应该唔错，不过小弟当晚就用嚟夹法包，火腿、露笋、本菇放晒晌包面，啖啖滋味。
Bone Marrow / Toast / Caper Berries / Parsley / Salt Flakes $125两截短筒牛骨，配以烘香嘅脆多士，伴菜有水榄及蕃芫茜，全放晌厚身木板上送上枱，卖相立体有亮点。烤烘后嘅牛骨髓确喺脂香丰盈，甘香柔滑，涂多士实属味美，但讲到喺人间极品个人觉得又未免太夸，可能小弟较钟意鹅肝多士吧。不过切记多吃无益，牛骨髓嘅胆固醇唔轻呀，所谓骨髓特别能够健骨补钙，更喺科学依据不足嘅谣传唔好尽信。
Sides $70伴菜有Garden Salad，Veg of the Day及Starch of the Day，今晚所试到有一门四杰，包括忌廉粟米、芝士通粉、黑松露薯条、脆炸薯角，当中以忌廉粟米最有惊喜，因为除咗粟米粒超甜之外，忌廉汁异常绵滑富奶香。
Rare Breed US Kurobuta Pig Belly & Cheek / Lentils / Granny Smith Apple Slaw $490上面讲到个牛骨髓胆固醇高，咁依个美国极黑猪都不惶多让，腩位部份虽然肥瘦双间，但肥膏𠮶节绝对唔嘢少，还好就喺烹煮不俗，肥肉位入口即溶，可以讲油而不腻，而瘦肉位咬落软腍松化。如果你真喺患有肥膏恐惧症，下层有啲脸颊肉部份，相对就无咁油腻。再唔喺，配上酸酸爽爽嘅青苹果丝，更有效中和油脂感，事后上网翻查何谓「Granny Smith」，啊！原来喺一个青苹果嘅品种名称，百多年前由一位叫Maria Ann Smith婆婆培殖出嚟。至于碟底嘅扁豆，鸡肋似的！
Dutch Veal Cheek & Sweetbreads / Truffled Orzo / Herb Salad $460相比起碟美国极黑猪，小弟较钟意荷兰牛仔脸颊肉、胸肉伴意大利米型意粉，记得第一次接触米型意粉喺晌铜锣湾嘅Fiat Caffe，有少少惊为天人嘅感觉，因为大乡里未试过嘛，外型如米，口感喺意粉，极之有趣，今次仲加上松露酱煮，真喺无得输。而牛仔脸颊肉及胸肉以真空慢煮烹调，嫩滑富肉汁，配少少火箭菜沙律，口感轻怡咗之余，带点点芝麻味嘅火箭菜会产生意外嘅效果。
Australian O'Connor Farm 100% Natural Black Angus 14oz Rib Eye $620晌度食「屠夫切肉」绝不便宜，眼前14安士嘅肉眼扒就盛惠$620，不过依道菜晌切肉系列都未喺最贵。肉眼扒来自澳洲农场嘅100%全天然纯黑安格斯牛，餐牌还刻意标明无荷尔蒙添加，无基因改造，无打抗生素，目的就喺想俾大家一个品质保证。肉眼扒炭烧后可能外观麻麻，但一切开，火喉拿捏准，色泽粉嫩，入口肉质松软，肉味浓郁，外皮带焦脆，不过部份边位油脂颇多，但整体实属高质靓肉，跟扒仲有4种唔同嘅芥末，食肉兽、牛扒粉丝定必对佢好有兴趣。
前菜、主菜、扒类都各有特色，尾声嘅甜品又如何呢？真喺等得人好心急，OK，一口气4款甜品杀上枱，实在期待。老实讲，「屠夫」嘅甜品小弟就觉得定价偏高，问到值唔值，还要睇睇质素喺点先可以下结论。Maple Syrup Tart / Sugar Whipped Cream $80
以枫糖做嘅挞，比想像中无咁甜，而且甜味来得自然，不过整体质感较为湿润，连带个挞皮都无咁酥化，卖到$80一客，实在唔太建议点选。
Mango & Passion Fruit Sorbet / Vanilla Scented Berries $80
以芒果及热情果所做嘅雪葩，无疑晌盛夏嚟享用，实在令人清爽凉快，再伴上带云喱拿香嘅杂莓，酸甜醒胃，作为主菜同切肉之间嘅间场，效果仲好呀！
Warm Chocolate & Banana Tart / Brulee Banana / Salted Caramel Ice Cream $120
店中最贵嘅甜品，小弟亦都觉得喺一道好出色嘅甜品。朱古力配香蕉，已有一定嘅叫座力，朱古力香蕉挞，朱古力味颇为香浓，内里嘅香蕉肉够熟够香；而挞旁仲有两件焦糖香蕉片，焦糖一向都啱晒我啦；而海盐焦糖雪糕，套用食友一句：「甜中带咸，味道非常特别」！
Lemon Cappuccino / Lemon Crouton / Lemon Curd /Almond Crumble / Whipped Cream $90
真喺有几分似意大利泡沫咖啡，一抹薄薄忌廉之下，有柠檬吉士、柠檬味面包粒、杏仁金宝脆脆，最惊喜喺令个口感有多层次享受，而柠檬嘅清新香味，又很讨人钟意，值得推介。真喺想即场「安哥」多一客架！
最后，再次多谢食友让小弟掹车边嚟到品尝屠夫所做嘅多款美馔，亦要多谢店家嘅热情款待，让小弟跟几位食友做咗一晚「酒肉朋友」。「屠房」唔一定血淋淋，可以喺令人回味再回味嘅地方！
张贴
