品川日本料理 (已結業)

好耐没有食放题啦，今日心瘾起，打开Open Rice点吓周围餐厅，见到『品川日本料理』，标榜系海景餐厅，谂吓都开心，喺处吃嘢见到对面海的灏景湾，盈翠半岛，汀九大桥，似乎几正吖。来到『品川日本料理』，量度体温系常态，地方好大好光猛好整洁，系少有的咁大间放题餐厅，因此喺咁大地方又隔住蓝巴勒海望住对岸的靓桥，靓楼，加埋任饮嘅梅酒实在叹，就咁享用了一餐美妙的lunch放题。和宜家很多新嘅餐厅一样，都系扫描QR Code点餐，首先来一碟刺身，有虎虾，甜虾，三文鱼，𫠒红鱼，北寄贝，玉子，帆立贝，好新鲜美味，北寄贝系我钟意之物，爽，滑，鲜，食完继续第二碟，吞拿鱼，荣螺鲍鱼片，希灵鱼，马刀贝等美味进入我的胃，好满足。除咗刺身亦有寿司，天妇罗，烧物，炸物……炸物嗌咗芋头波波，榴莲波波，炸年糕，而烧菠萝更加juice到不得了，好想食多几件，但要留肚为了一样不可以任食嘅Häagen-Dazs雪糕，食完呢餐超开心