Call Me Chef

营业中

休息中

公司有同事生b 黎观塘工业大厦买啲bb仔用品比佢，无意中发现到呢间隐世餐厅。呢度系开放式厨房，可以睇到厨师由煮到上菜既过程，好似会特别好味咁😋沙律有苹果同薯仔加埋沙律酱感觉好健康，亦有唔同口感。是日餐汤系南瓜汤，虽然个人唔系太钟意南瓜，但佢整得好浓，唔会觉得水。首先嗌左卡邦尼意粉，感觉好creamy，配埋慢煮温泉蛋捞埋d蛋黄汁一齐食非常夹，蛋白好滑，烟肉都好香脆。之后再上XO酱手撕鸡炒意大利粉，融合左中式既煮法同埋XO酱都炒得好入味，感觉新颖得黎又唔错，手撕鸡都好嫩滑。仲有一定要提既系意大利雪糕球，我个个系绿茶味，好食到唔知点形容，绿茶味好香浓，我朋友系朱古力味都唔错。饮品就嗌左柚子蜜一冻一热，普普通通正常味道。过程中有好多人都买佢地啲蛋糕，有啲仲好似系同朋友庆祝生日，卖相几正咁，下次一定要试下先得！连布置都挂满蛋糕既风味。