海港酒家

营业中

休息中

半打人食飯好迷惘， 最後都沖咗入呢間海港， 環境都尚算衛生， 依家嘅時代，招呼都算唔錯㗎喇!! 任食打邊爐又見啲 瓜瓜菜菜 麻麻地， 最後都係揀咗食小菜，比較穩陣啲啦! 嗌咗半圍特價餐，再散嗌啲海鮮囉， 加咗六隻冰鎮南非鮑魚， 半條乳豬 卜卜脆， 西蘭花就改咗蘆筍炒帶子夠鑊氣， 斤零重沙巴龍躉夠新鮮， 反而個海皇翅就差咗少少， 冇味冇到好似偷水咁，一啲上湯火腿味都冇。 最值得一讚就係個甜品紅棗糕， 食完再嗌多半打先夠皮， 埋單嗰陣就計少咗半包紅棗糕， 我哋咪嗌個部長問一問囉， 佢話送畀我哋食囉! 最後一人200幾抵食 搞到我真係要寫食評嚟讚好去囉。