影片
更多
2023-07-05
235 浏览
呢间餐厅喺大埔林村𠮶头，有大量室内位置，行园林庭园风格🌳，平时放假过嚟呢边行吓都啱晒～佢有三间屋仔，可以容纳到4-10人，如果有宠物或者想聚会嘅话，可以事先book定呢啲屋仔，有靓景私隐度又高，平时weekend过嚟度下假都几好！佢有个午餐，包左一个头盘同主菜，额外可以用优惠价加购甜品，又或者可以散嗌佢嘅主食，价钱亦唔算太贵～------------------------------🦞◖酥皮龙虾汤配蒜蓉包◗ $98头先笃烂佢个酥皮，浸埋啲龙虾汤，佢嘅汤有有少少龙虾肉，鲜味都几足，仲有一片烘得好香脆嘅蒜蓉包～🐖◖脆炸德国咸猪手配蜜糖芥末籽汁（套餐）◗ $268有六至八大嚿德国咸猪手，腌得啱啱好唔会过咸，外皮好香脆，食落去好有胶质，特别钟意佢边位嘅肉，烧到少少干脆咁，好食！🍝◖鹅肝酱焗猪扒阔条面（套餐）◗ $198原本佢系焗猪扒饭，要转阔条面要加$20，阔条面面质几好，弹牙有微微嘅蛋香；鹅肝酱里面有啲芝士同肉碎，颇有口感；焗猪扒都做得好出色，肉味香浓，难得佢肉质软腍一啲都唔韧，整体嚟讲味道同口感都几好！🥩◖烧安格斯西冷10oz（套餐）◗ $338拣咗五成熟，上枱应该都有七成，肉质软腍，可
佢有个午餐，包左一个头盘同主菜，额外可以用优惠价加购甜品，又或者可以散嗌佢嘅主食，价钱亦唔算太贵～
------------------------------
🦞◖酥皮龙虾汤配蒜蓉包◗ $98
头先笃烂佢个酥皮，浸埋啲龙虾汤，佢嘅汤有有少少龙虾肉，鲜味都几足，仲有一片烘得好香脆嘅蒜蓉包～
🐖◖脆炸德国咸猪手配蜜糖芥末籽汁（套餐）◗ $268
有六至八大嚿德国咸猪手，腌得啱啱好唔会过咸，外皮好香脆，食落去好有胶质，特别钟意佢边位嘅肉，烧到少少干脆咁，好食！
🍝◖鹅肝酱焗猪扒阔条面（套餐）◗ $198
原本佢系焗猪扒饭，要转阔条面要加$20，阔条面面质几好，弹牙有微微嘅蛋香；鹅肝酱里面有啲芝士同肉碎，颇有口感；焗猪扒都做得好出色，肉味香浓，难得佢肉质软腍一啲都唔韧，整体嚟讲味道同口感都几好！
🥩◖烧安格斯西冷10oz（套餐）◗ $338
拣咗五成熟，上枱应该都有七成，肉质软腍，可以点黄芥末或者烧汁，但略嫌牛味唔太够～
🍰◖焗火焰雪山◗ $128
有大同细可以拣，外层系打起咗嘅蛋白，淋上烧着咗嘅冧酒糖浆，再加上黑朱古力酱，充满住酒香同蛋白嘅香味；里面系有啲杂果嘅海绵蛋糕，仲有一球云呢拿雪糕，食落好松软有层次，味道又唔会太甜！
🥗◖意式杂菜沙律◗ 跟餐
沙律杂菜配上酸酸甜甜嘅沙律醋，好清爽～
🥠◖炸咖哩角◗ 跟餐
有四嚿咖喱角，可以点沙律酱一齐食，好香口～
🍅◖蕃茄杂菜汤◗ 跟餐
用咗大量茄膏去煮，里面有啲杂菜，酸酸甜甜，好开胃～
🥤◖柠檬可乐◗ 跟餐
🍹◖柠檬蜂蜜◗ 跟餐
☕️◖意大利泡沫咖啡◗ 跟餐
🌟 Encore指数：8.3/10
张贴
