影片
更多
2022-02-14
287 浏览
行到饿饿地去附近揾食，星期六原来几多舖头唔开门，见有间汉堡店新开张，蓝色主色几靓咁，睇下餐牌又几特别，试下佢先。餐牌有两类汉堡，有酒精款同无酒精款，仲有几样小食，饮品就得汽水。自助点完单就可以拣个位坐，小店约有十个位，主打外卖。叫左呢款无酒精嘅天妇罗汉堡，转左做餐跟薯条同汽水。汉堡胀卜卜好大个，即叫即炸热辣辣，入面夹左金菇、茄子等天妇罗，十分香脆，加埋紫菜、青瓜等爽口又清新，酱汁系甜甜地嘅芝麻酱，面包软绵绵重牛油香，系高水准之作，好好味。薯条同样即炸很脆口，粗条重薯味，好味噃。如果跟餐小食有其他拣更好，同朋友一人一个餐，太多薯条有啲腻。饮品只有汽水选择，都几多口味，拣左呢罐西柚汽水，店家用环保饮管值得一赞。天妇罗汉堡转做餐$96，唔使加一又有位坐，抵食吖～下次想试下有酒精嘅汉堡，唔知咩感觉呢？
行到饿饿地去附近揾食，星期六原来几多舖头唔开门，见有间汉堡店新开张，蓝色主色几靓咁，睇下餐牌又几特别，试下佢先。
餐牌有两类汉堡，有酒精款同无酒精款，仲有几样小食，饮品就得汽水。
自助点完单就可以拣个位坐，小店约有十个位，主打外卖。
叫左呢款无酒精嘅天妇罗汉堡，转左做餐跟薯条同汽水。
汉堡胀卜卜好大个，即叫即炸热辣辣，入面夹左金菇、茄子等天妇罗，十分香脆，加埋紫菜、青瓜等爽口又清新，酱汁系甜甜地嘅芝麻酱，面包软绵绵重牛油香，系高水准之作，好好味。
薯条同样即炸很脆口，粗条重薯味，好味噃。如果跟餐小食有其他拣更好，同朋友一人一个餐，太多薯条有啲腻。
饮品只有汽水选择，都几多口味，拣左呢罐西柚汽水，店家用环保饮管值得一赞。天妇罗汉堡转做餐$96，唔使加一又有位坐，抵食吖～下次想试下有酒精嘅汉堡，唔知咩感觉呢？
张贴
