Mango X'press (已結業)

厚福街多美食,我成日去,间唔中都会帮衬MangoXpress,饮品好多都平平地10几蚊有交易又唔会好溜,而且系芒果主题,都几吸引。而家甚至新增台式饭盒餐配饮品外卖,下午时段见到好多人买,30几蚊。连即磨咖啡都有,12蚊而已,平过隔壁麦当当,平心而论觉得间野d新出品都几贴心for 附近既office ladies and gentlemen。芒果红茶就16蚊有交易,但今次选择特别点贵点的新出品: 特调蓝蝶芒果露 (26蚊) 和芒果醋 (24蚊)。 前者上蓝下黄,中间分界是酸酸的,因为有醒胃柠檬汁。蓝色部分的butterfly pea去泰国成日都有得饮,现在香港都能够找到泰国的夏天感觉。整体来讲酸酸甜甜ok既。芒果醋好清,醋其实对消化几好,所以我在家都会自己整。双并炸鸡粒同鸡搥(34蚊)正常水准,脆脆地又细细份,妈咪中意。至于奶冻方面,他们一直都整得ok的,size细dd仔,味道不会漏,呢次个伯爵奶冻(28蚊)几清香,好食。