漁釧 (將軍澳中心) (已結業)

几钟意渔钏呢间餐厅，耐唔耐就会搞啲特别嘅活动，好似之前食过嘅清酒配对夜，非常满足，而且学到好多清酒嘅知识。今次知佢有蓝鳍极鲜主题，我当然唔会错过。炙烧吞拿鱼沙律或网烧牛肉野菜沙律都几大一份，而且吞拿鱼份量好多，啲沙律菜又好新鲜，加入和风酱，非常开胃，最特别系加入天妇罗脆脆，增加口感而且好好味。烧日本鱿鱼一夜干大大块鱿鱼干好啱送酒呀，咬落弹牙而且香口，味道唔会好重可以加入少少姜蓉。本鲔鱼六点盛(寿司)寿司嚟啦，蓝鳍寿司六点盛，有大拖罗、中拖罗、赤身同拖罗蓉卷，入口即化，好香好好味呀。清酒蒸日本生蚝(6只)生蚝用清酒浸住，上到嚟加热四分钟再焗三分钟就食得啦，真系好重清酒味。陶板炭火烧鸡开头见黑黑哋，以为上错咗菜，原来真系烧鸡，味道比卖相好好多，啖啖肉食得好开心。海虾杂锦天妇罗有三只天妇罗🍤，仲有南瓜、菇、茄子同青椒，好丰富，卜卜脆，送酒一流。另外仲加咗2碗豚肉味噌汤，竟然有好多猪肉，好饮。仲有之前饮过觉得好唔错嘅自家制梅酒，甜度适中，正。