竹虎京堂

营业中

休息中

早两日见到介绍讲Megabox有竹筒饭食，咁啱同朋友出开去就梗系要试下啦。去到既时候大概系五点几六点，未开始多人，我哋就喺Megabox行左阵再返黎。点知六点半左右既时候超多人排队，佢可以拣喺舖头入面食，或者喺Food Court到食。我哋见未系好肚饿，就决定等位喺入面食。睇左阵超厚既Menu之后，我哋就叫左月见云丹、竹筒山葵昆布柱扇贝、北海道牛乳红松叶蟹薯饼。超厚既Menu其中一页。饮品MenuSet Menu月见云丹：海胆几甜，set既份量几多。饭冇咩竹既香味，水份几多，几湿润几黏。竹筒山葵昆布柱扇贝：扇贝份量好多，几甜。饭同月见云丹差唔多，唔算特别出众。北海道牛乳红松叶蟹薯饼：超Creamy，牛乳味都几浓，好食。座位几舒适，店员好有礼貌。野食水准唔错，Food Court价钱，抵食。到晚餐时间会好多人，想食既朋友可以考虑喺Food Court食，或者早少少黎排队，避开最多人既时间。