Casa Pennington (已結業)

有一个朋友每次见到我post有海胆嘅食物都会问我系边间餐厅，今次就决定带佢去试海胆意粉。呢间西餐厅藏身于隆堡柏宁顿酒店之中，平时经过未必会留意到。呢度主打生蚝、海鲜等等，服务员亦好详细为我地介绍唔同产地嘅生蚝，不过我地对生蚝兴趣不大。见到有蚝Risotto反而觉得几特别，米饭用蚝汤煮过，鲜味十足！饭嘅烹调时间拿捏得刚刚好，粒粒分明，烟韧带嚼劲。蚝煎至外层金黄焦香，蚝身肥美，十分鲜甜。海胆蟹肉扁意粉放上亮丽饱满嘅海胆，卖相吸引扁意粉有咬口，每一条都挂上浓稠嘅番红花忌廉汁，味道香浓。海胆新鲜甘甜，入口软滑，见到朋友食得好满足！最后当然唔少得甜品！呢个梨批绝对值得等上20分钟！焦糖酥皮舖上熟透了嘅梨肉，香气扑鼻~~食嘅时候倒少少淡忌廉，份外香甜可口。非常钟意酥皮嘅质感，咬落香脆得来微微烟韧，啖啖散发焦糖香梨肉爽口清甜，水润多汁，减轻了整体腻感。虽然价格对我来说有点高，但食物质素令人满意，希望下次有机会尝尝其他菜式。