影片
更多
2016-04-23
571 浏览
久违嘅老友想约出嚟聚旧，想食得有特色，又想揾个地方喺适合畅谈一番，免避骚扰，经食友推介就定晌佐敦嘅Luxury，话依度私隐度高，差啲连门面都揾唔到，幸得店家发嚟嘅「路线图」。因为门面的确神秘，只有门牌，无餐厅招牌，看图索骥认得门面盏怀旧挂灯。原来餐厅唔做walk in客，所以，餐厅内嘅座位都按当日订座人数调整，以至客人都坐得舒适，空间感足，变相私隐度又高啲。因为是晚订位唔太多，所以，餐厅环境显得更寛敞，装修平较平实，唔会太奢华，柔和嘅灯光下，感觉蛮舒服。此外，晌度喺采用开放式厨房，大厨做菜一目了然，不过，个厨真喺几犀利，成晚见佢得一个人做菜，由前菜、沙律……到甜品，都喺由佢一手包办，而且，我哋每个类别嘅菜式，都喺同时上枱，唔会你有汤饮时，我就仲要等！出面好多西餐厅都未必可以做到咁。餐厅都几有个性，除咗要订位外，所选嘅菜式亦要早一日定好。用餐时同店长倾谈，原因喺食材都以当日订位状况嚟预备，务求每日都喺用上最新鲜食材，绝唔留过夜，亦减少损耗，感觉都环保啲。订好位店方会whatsapp菜单俾你，咁佢依度只做套餐（前菜、汤品、主菜、甜品），由$350-$450+10%，视乎所选嘅组合而定，免开
原来餐厅唔做walk in客，所以，餐厅内嘅座位都按当日订座人数调整，以至客人都坐得舒适，空间感足，变相私隐度又高啲。因为是晚订位唔太多，所以，餐厅环境显得更寛敞，装修平较平实，唔会太奢华，柔和嘅灯光下，感觉蛮舒服。
此外，晌度喺采用开放式厨房，大厨做菜一目了然，不过，个厨真喺几犀利，成晚见佢得一个人做菜，由前菜、沙律……到甜品，都喺由佢一手包办，而且，我哋每个类别嘅菜式，都喺同时上枱，唔会你有汤饮时，我就仲要等！出面好多西餐厅都未必可以做到咁。
餐厅都几有个性，除咗要订位外，所选嘅菜式亦要早一日定好。用餐时同店长倾谈，原因喺食材都以当日订位状况嚟预备，务求每日都喺用上最新鲜食材，绝唔留过夜，亦减少损耗，感觉都环保啲。订好位店方会whatsapp菜单俾你，咁佢依度只做套餐（前菜、汤品、主菜、甜品），由$350-$450+10%，视乎所选嘅组合而定，免开瓶费，两个月会转一次菜单。故此，与其叫私房菜，小弟就觉得似「私房」西餐厅。
面包篮开场白讲咁耐，喺时候讲食，先嚟嘅面包篮已显出诚意，大厨表示面包全自家制，一小篮里一口气有4款（近至远）：洋葱、芝麻、墨汁芝士、香草伴牛油及千岛酱（唔喺捞沙律𠮶啲，但味道有啲似），全自家手制，质素不俗，软熟而各有特色。
先上前菜，一共有7款选择：
白松露油凯撒沙律一人份嘅凯撒沙律喺要自己动手拌匀，将白松露酱倒下，捞匀，芳香诱人，沙律菜清新爽脆，配合咸香嘅鲜西班牙巴马火腿，油香紧致，美妙之极。
日本广岛蚝三焗（荷兰汁菠菜、脆烟肉芝士、芝士蘑菇）朋友「蚝」爽之人，拣道焗蚝做前菜就啱佢性格，再者，一次过试到3款口味，实在满足。友人话除咗个脆烟肉芝士稍咸外，另外两款都好正，既突出到蚝味，亦带出唔同味道嘅层次，而且，蚝无被焗干，入口仍富蚝汁。
北海道带子芥末青苹果田园沙律小弟食前菜就较喜欢清新、爽口嘢嚟开开胃，所以，依道沙律喺不二之选。卖相清新精致，惊喜位喺加埋少少黑鱼籽及金箔，矜贵尽显。青苹果沙律入口清爽，带点淡淡日式芥末味，引嚟少许刺激感却唔抢喉；带子切成薄片，鲜甜中由黑鱼籽诱发阵阵咸鲜，过瘾；仲有伴碟嘅田园蔬菜，食得出新鲜度爆灯。
汤品共有3款选择，啱啱好满足到我哋各有所好。
蕃茄蟹肉忌廉汤蕃茄忌廉汤做得几顺滑，蕃茄味酸香鲜活，唔会单单得个浓字，更估唔到蟹肉落得一啲都无手紧，友人大赞好味。每款汤都伴有一条蒜蓉包条，焗到香脆无比。
意大利黑松露野菌忌廉汤甫送上枱已香气十足，稀杰度恰到好处，口感绵密，小试一啖，黑松露嘅味道幽香已绝不霸道。
法式干邑龙虾汤轮到分享吓小弟所拣嘅龙虾汤，虾味嘅浓郁绝无欺场，滑溜鲜香，不过，依度嘅版本喺唔加龙虾肉，加咗自然比人感觉更增值。此外，下忌廉嘅手法上幼细啲，如画少少花令卖相更好睇，相信客人更受落！
嚟到第一道主菜，喺3款意大利粉、1款意大利饭嘅选择。一位朋友担心食唔晒咁多嘢，就少要个第一道主菜，亦可以悭番少少（$395 + 10%），留待一阵嘅主菜再叹过。北海道带子龙虾汁意大利饭
北海道带子果然唔喺浪得虚名，既巨型，又鲜甜，轻煎后，外层微微焦香；而个饭亦唔失礼，饭粒湿润有咬口，粒粒都沾满惹味嘅龙虾汁，整有水准嘅一道意大利饭！
红虾，新鲜墨鱼汁意大利粉大厨话喺用上新鲜墨鱼汁做，所以，风味特别，而意大利粉每炷都沾满墨汁，食到我都一口乌黑，笑得朋友合唔埋口，此外，意粉咬口煮得啱啱好，红虾鲜甜、软腍，有别一贯爽口嘅感觉。
主菜选择都几多，8款选择，有鱼、鸡、猪牛羊，应该唔难揾到心水菜式。
慢烤澳洲羊鞍架配法国芥茉露丝玛莉、焦糖菠萝酥皮千层羊鞍架烤烧得外层焦香，内里嘅羊肉嫩滑非常，膻味唔太重，相信好多人都接受得到，此外，仲会发现好多心思位，就好似啲伴菜，唔喺一般薯菜咁简单，烟肉豆角卷、迷你灯笼椒、迷你茄子喺咪都好特别呢！但讲到心思，件焦糖菠萝酥皮千层最深得我心，菠萝加沙糖煮至焦香再包酥皮焗，当道小甜品都得呀。
慢煮香脆黄油鸡卷酿海虾黑松露鸡汁慢煮令鸡肉熟透却保持到肉质柔嫩细致，煎封过使鸡皮香脆可口，至于内里卷住嘅海虾，爽弹又有阵黑松露幽香，就连薯蓉都似喺香滑过人。
烤澳洲M5和牛肉眼肉眼以肉味浓见称，但朋友话难得烤烧出嚟嘅效果有水准，选5乘熟， 肉质唔止仍保持肉嫩多汁，入口极有油香却无咩腻口嘅感觉，肉味又果然够浓郁，赞呀！
拣选任何一款套餐组合，都包括埋甜品，4款甜品，单睇名字，都各有千秋。
焗肉桂苹果金宝伴自家雪糕店内嘅雪糕全部都自家制，穴喺不得不佩服店家嘅坚持，肉桂苹果金宝做得小巧，新鲜即焗，笃开啲金宝，肉桂及苹果嘅香气即时散发出嚟！金宝嘅重牛油味，夹杂苹果嘅酸香清香，幽幽嘅肉桂味，喺互相平衡所擦出嘅火花。雪糕拣咗绿茶味，浓郁软滑，一啖灼热、一啖冰凉，爽到极。
椰子革命（椰子炖蛋、啫喱、雪糕）友人喜欢法式炖蛋，所以相中椰子革命，而且，一次品尝3样甜点，又满足埋多心嘅心态。炖蛋真喺做得颇滑，蛋香中渗出椰子味；椰子啫喱似粒棉花糖，口感软绵，入口即化；椰子雪糕带有丝丝椰子感觉，唔会太甜太假。
朱古力世界（朱古力心太软、布朗尼、雪糕）朱古力迷就一定唔可以错过嘅甜品，店长话所有甜唔都喺佢哋自家制，唯独是件布朗尼喺来货，但喺来货都可以揾啲有质素嘅供应商，件布朗尼就绝对喺有质素，湿润香浓；而心太软爆晒浆，朱古力味超浓郁，外壳焗得够薄，烘焗技巧拿捏得好；雪糕亦差唔到去边，整体喺一份甜美嘅享受。
环境、上菜速度都令人舒服，食物有质素，部份细节位如主菜嘅时蔬、酥皮焗菠萝粒都有啲惊喜，份量亦都恰到好处，和牛、羊架都煮得有一手，值得推介！不过，如包一杯餐饮，食甜品时衬杯咖啡，或花茶，客人感觉完整啲，始终一餐嘅消费都近$500，客人会期望高啲。
张贴
