燉 (已結業)

香港人钟意饮老火汤，呢间炖汤店起正荔枝角港铁站出口隔离，容易揾，而且汤水选择都几多，都系滋补款，男女老少都啱饮，有时行开附近都会特登过嚟饮啖汤，个人最欣赏佢个天麻川芎白芷炖鱼头汤。呢间胜在价钱亲民，出货快唔使点等，汤水无味精(所以会偏淡，可以问店员攞啲盐)，店面整体都算卫生嘅(佢荔枝角店系外卖自助式，所以有时会出现啲嘢食完冇人收，积咗起张枱度嘅画面)。如果对汤水冇太大兴趣，佢都有糖水，蒸饭，中式小食可以试吓嘅，甜品个人推荐花胶炖鲜奶; 小食嘅佢个蒸白鳝都唔错，几鲜甜，不过好似系时令，唔系成日有。另外，好多人都知呢间店系某个TVB艺人开㗎啦，如果有心想见吓艺人，听讲佢周不时会亲自起店面服务，见过佢亲自收银，抹枱，收垃圾同跟单，对啲客人嘅合照要求有求必应，又会同客人讲多谢支持，几贴地。我起佢间铺见过佢2次，2次都系周五傍晚。