Rondavy's Artisan Kitchen (已結業)

整完gel甲想食个快饭，响附近揾间上楼嘢。去到已经一点半，零人，等于自己包场影相😎环境、餐具靓，嘢食上嘅速度几好，唔会太快或慢，服务好细心。加咗个南瓜汤、白松露牛角包。冇谂过白松露牛角包外脆内松软，一上枱已闻到好香，我唔好croissant都觉得超级好味。南瓜汤颇幼滑带淡淡南瓜甜，上面嘅香草带来一抹清新，不俗。Parma ham with pesto penne香但略咸，而长通粉可以再弹牙啲，不过都唔错。杯latte淡口，泡唔算太滑但挺身，衬佢啲甜品几好。唔知点解送多两件比我，共有3件：荔枝慕丝蛋糕带淡荔枝味又香滑，中间层啫喱令口感特别。绿茶松饼系真绿茶味，够松唔硬。我不嬲唔食嘅香蕉味蛋糕，味道唔假，又软又湿。