Le Dessert Palais (已結業)

呢间甜品店嘅装修以梦幻嘅白色为主，令人感觉纯洁之余，仲带啲浪漫嘅风格所以非常适合情侣，好友黎聚会！店铺最特别嘅系心情甜品，印象中一共有9款我就拣左”开心”，粉红色圆形大波波外脆内软，仲要系入口即溶架之后上网Search，原来系用士多啤梨配巴戈利亚奶油青柠蛋白以60℃焗7～8个中而成嘅，同埋因为系低温烘焙，先可做到咁。而内层就有士多啤梨雪芭，酸酸地，无咩特别！到最底层就有士多啤梨粒同意大利软芝士果仁芭菲，你可以加上士多啤梨或白朱古力酱。而我就拣左后者，因为食起黎变得甜甜酸酸，会无咁容易觉得腻！而且呢到有好多唔同味嘅水果茶，有得一杯或者一Jar咁叫。但系一Jar 2个人Share个分量又真系岩岩好，分起黎，每人都会有两杯左右。价钱仲比一杯咁Order相对平得多于是我就叫左一Jar”Love Story"，我其实系比个名吸引住，而且见到Meun介绍有小紫苏，橙汁，水蜜桃粒同果蓉。不过饮落去酸酸甜甜，但系橙味就比较重，如果多少少水蜜桃味就会更加好喇，因为我中意水蜜桃多啲！