四川菜大平伙 (已結業)

✨今日，朋程仔就带咗小妹去中环食呢间四川菜大平伙，入到去，小妹就觉得好似去咗一个艺术世界咁，眼睛望到嘅系几幅画作，木制嘅枱櫈，耳仔听到 ‘是谁 在敲打我窗’ 蔡琴嘅歌声，成个环境气氛都好几十年旧香港特色。✨餐单✨先黎凉碟，系麻辣莲藕，本身小妹同朋友仔都唔会食莲藕，估唔到几得意，啲莲藕凉中带点辣，辣中带点爽，几满足味蕾。✨之后系鸡茸粟米羹，浓度啱啱好，唔太稀又唔太稠，取其中庸之道，唔错唔错，系唔记得问店员拎胡椒粉，否则味道更丰富。✨主菜有两碟，第一碟系宫保鸡丁，啲鸡柳几滑，好滑，味道亦几好。✨而第二碟回锅肉几有惊喜，平时啲肉有层脂肪，食多几旧都会济，但系呢碟回锅肉，个味道几啱小妹，加上唔知点解虽然旧肉都有脂肪，但系食落去系爽嘅，无油腻嘅感觉，愈食愈开胃。