Van Gogh SENSES (已結業)

香港最有艺术气息嘅西餐厅餐牌的设计也非常用心，入去嘅时候门口已经会有蛋糕或者系梵高嘅礼品买。而且食物品质上面都用心，店员嘅服务亦都非常亲切有礼。每一套碗碟都系有唔同嘅颜色同埋设计除咗食物上，一坐埋枱嘅感觉已经俾人赏心悦目。前菜首先系沙律配上左吞拿鱼，口感非常清新而且分量唔会太大影响左之后嘅食欲。而我就点左烧鸡，朋友就点左鱼。同样造型同埋食物嘅质素都唔错，鱼嘅旁边会有啲炸白菜系一个新嘅尝试非常有创意。另外鸡嘅份量都好大所以男仔都一定啱食。唔好以为呢度啲食物细细份食唔饱，呢度精致同埋心机都令到自己大饱眼福。然后就会有一个牛汤嘅精华，同样店员会喺上嘅时候先倒，影得又食得。最喜欢就系佢嘅芝麻慕丝甜品，份量好多而且隔离有新鲜嘅生果配上嘅味道亦都唔会太甜太过油腻。