Loop Kulture

营业中

休息中

今日一早出现在太子，本身想试另一间甜品店，但去到怀疑执咗，于是改去另一间想去好耐的cafe，中午12点几去到，间店开12点，全店已full，要等位，等了几个字终于有位，环境几舒服，安排了我坐靠墙的木箱櫈，但张櫈有啲唔平衡，一郁张櫈又会郁，讲返食物，叫了人气焦糖香蕉树头面包及开心果牛油果奶昔，点餐时店员已讲树头面包制作需时，大约半小时，到食物上枱，店员也再有讲唔好意思，等咁耐，几有礼貌，佢亦有温馨提示最好衬热食，因为冻咗会比较硬，于是我拿拿淋影完相后，立即进食，一切开个树头，仲出烟，新鲜热辣辣，外层有口感，内里软绵绵，加埋伯爵茶意式雪糕一起食，好味，香蕉同焦糖好夹，伴碟仲放了蓝莓、无花果等作点缀，雪糕上仲有花朵，摆得好靓，成件艺术品咁睇得又食得，至于杯开心果牛油果奶昔，味道比较清淡，饮完也不会有罪疚感，推介👍🏻.