Van Gogh SENSES (已結業)

今次系第二次嚟呢度食嘢，我最欣赏装修设计同埋环境都好有艺术色彩，有餐枱、水杯及杯碟都不同设计，餐具亦十分高级，侍应会在上菜时介绍每一道菜的特色及煮法，令你对菜式有更深刻印象。午市四道菜定价为$268，以这个水平唔算贵。野生蘑菇挞配洋葱、火箭菜及牛肝菌忌廉，碟旁边黑色一点点系一个830嘅忌廉，蘑菇同牛肝菌加埋好香菇味。法式鸡肉清鸡汤配朱利亚西班牙火腿，因为有火腿所以汤底偏咸，但可以接受。主菜意大利扁意粉配小龙虾肉、虾干及辣椒酱，味道似XO酱，几香口，虾肉鲜甜。烤美国猪柳配焦糖苹果及威士忌热情果酱，酱内一粒粒是热情果子，猪柳好淋又唔会肥，加上威士忌热情果酱一齐食，微酸下零舍开胃。饭后甜品为芒果蛋糕🍰，有水准。餐饮已包括所有特色茶及美式咖啡，所以我哋都拣特色茶。仲夏向日葵，闻落去有一浸辣味，但饮落去完全唔会辣，加埋蜜糖一齐饮，好fresh 及阳光感觉。热情的乌龙茶十分清甜，所以上茶时无跟蜜糖或白砂糖，甘味依然足够。