影片
更多
2021-12-01
1382 浏览
今年生日,想全日me time,于是一个人去食omakase,系v姐推介下,系月头book左哩度既omakase,系一个食先有位XD适逢今个月28号系佢地开店7周年纪念,$880既料席由12品加到15品.6点半左右到,坐正老板对面XDD.填好纸仔,女店员奉上温暖毛巾抹抹手.点左200ML八寸日本酒,就开始上菜啦.先付.沙甸鱼甘露煮.甜中带咸,肉质结实,送酒一流,食埋块青紫苏,饮啖茶,清清口腔,正式黎啦.京豆腐三种类.白子豆腐,𩽾𩾌鱼肝豆腐,蟹膏豆腐.哩道菜真系令我惊喜,富弹性,质感细腻绵密,特别系配辣萝卜蓉既𩽾𩾌鱼肝豆腐,真系有得食多几旧就好啦.冷盘.刺身沙律,间八刺身,海葡萄,三文鱼子,蟹子,混合海藻及昆布,配柚子柠檬醋.间八系细条油甘鱼,肉质爽甜鲜味,海藻咸咸地,同柚子柠檬醋好夹,感觉清新.向付.旬刺身三种类.平目鱼刺身配牙葱,秋刀鱼刺身,鲣鱼刺身.平目鱼爽口,不过我唔钟意葱XDD觉得旧鱼全旧都好有阵葱味XDD秋刀鱼刺身配柚子柠檬醋,葱花及大根蓉.我好钟意食秋刀鱼刺身...冇葱就好啦XDD鲣鱼刺身,有烟薰香味,配生磨山葵同豉油食更突出鱼本身既甜味.名作.白花虾作.用来自富山湾小白花
于是一个人去食omakase,
系v姐推介下,
系月头book左哩度既omakase,
系一个食先有位XD
适逢今个月28号系佢地开店7周年纪念,
$880既料席由12品加到15品.
6点半左右到,坐正老板对面XDD.
填好纸仔,女店员奉上温暖毛巾抹抹手.
点左200ML八寸日本酒,
就开始上菜啦.
先付.沙甸鱼甘露煮.
甜中带咸,肉质结实,送酒一流,
食埋块青紫苏,饮啖茶,清清口腔,正式黎啦.
70 浏览
0 赞好
0 留言
京豆腐三种类.
白子豆腐,𩽾𩾌鱼肝豆腐,蟹膏豆腐.
哩道菜真系令我惊喜,富弹性,质感细腻绵密,
特别系配辣萝卜蓉既𩽾𩾌鱼肝豆腐,真系有得食多几旧就好啦.
41 浏览
0 赞好
0 留言
冷盘.刺身沙律,间八刺身,海葡萄,三文鱼子,蟹子,混合海藻及昆布,配柚子柠檬醋.
间八系细条油甘鱼,肉质爽甜鲜味,
海藻咸咸地,同柚子柠檬醋好夹,感觉清新.
36 浏览
0 赞好
0 留言
向付.旬刺身三种类.
平目鱼刺身配牙葱,秋刀鱼刺身,鲣鱼刺身.
平目鱼爽口,不过我唔钟意葱XDD
觉得旧鱼全旧都好有阵葱味XDD
秋刀鱼刺身配柚子柠檬醋,葱花及大根蓉.
我好钟意食秋刀鱼刺身...冇葱就好啦XDD
鲣鱼刺身,有烟薰香味,配生磨山葵同豉油食更突出鱼本身既甜味.
51 浏览
0 赞好
0 留言
名作.白花虾作.
用来自富山湾小白花,砌成菊花形态既寿司,
中间配以食用花朵,相当相当精致,系哩度既名作.寿司饭比较黏口,握饭时已抹上酱油同山葵,虾甜浓郁.
39 浏览
0 赞好
0 留言
蒸物.𩽾𩾌鱼肝茶碗蒸.
煮物.筑前煮.
鸡肉有酒味香,莲藕片同荷兰豆爽脆,
芋头煮到入口即化,蕃薯好甜,
一碗煮物多种质感.
28 浏览
0 赞好
0 留言
扬物.寿喜烧天麸罗.
大叶天麸罗,稻荷豆皮包住薄牛肉做成天妇罗,沾温泉蛋食用,
大叶炸过后净下淡淡苏青味,
豆皮包住牛肉,肉汁都比豆皮索晒,
点埋蛋汁食感觉好奇妙.
30 浏览
0 赞好
0 留言
烧物.味噌烧蚝.
但系我竟然食到系芥辣美乃滋口味XD?????
我理解不能XDDD 我醉左?
强肴.鲔鱼筋.
火炙后既吞拿鱼腩筋油脂丰富甘香,
筋位有咬口,啖啖油香.
31 浏览
0 赞好
0 留言
八寸.鳕鱼白子,柚子醋鸭胸.
系我最爱既白子呀,太好啦,配辣萝卜蓉,
白子鲜滑甘美,我想再食啊...
鸭胸片配以明太子沙律酱,
带烟薰味既九菜花脆嫩无渣,真系好难食到.
29 浏览
1 赞好
0 留言
香物.
渍物三种类.浅渍赤大根,大根,青瓜好爽脆,
唔会太重味,仲有芝麻碎系面,好食.
砟物.松叶蟹砟物.
松叶蟹非常鲜味,
轻轻一抹醋香味冇盖过蟹本身既鲜甜.
食事,五目饭.有舞茸干,鸡肉等,
一开碗盖就涌出好香好香既菇菌味,
实在太香,有d 唔舍得食.
23 浏览
0 赞好
0 留言
止め碗.
𫚕鱼汤,鱼汤甜美,汤入面本菇,豆腐,同鱼肉.
最后我放弃左旧鱼肉慢慢享受碗汤.
26 浏览
0 赞好
0 留言
甘味.京花饼.做成冬柿造型既果子,烟韧既皮入面系红豆馅.
本来觉得200ml酒同以上份量唔够食,
点知饱到唔想郁XDD
洗手间内有牙线棒棒同棉花棒比客人使用,超细心呢,上一次见到有哩d 系298kitchen,
可惜结业了.
女店员不时添茶同更换热茶,真系好细心.
希望放假有机会再食啦.
张贴
