CURATOR Art & Café (已結業)

今日黎到尖沙咀K11 Musea试下依间好有艺术感嘅餐厅，本身以为以打卡为主，点知原来味道都唔错，而且有lunch set就更加抵！午餐包前菜、主菜同埋嘢饮，价钱HKD148-168。意大利水牛芝士配蕃茄沙律 - 沙律材料都算新鲜，配埋我钟意嘅水牛芝士。南瓜忌廉汤 - 南瓜汤嘅味都几浓郁，都几推荐呢个汤。意大利香肠及虾意粉配辣忌廉蕃茄酱 - 依个对于唔食得辣嘅朋友嚟讲可能会觉得太辣，我觉得几好食，辣味好香，配埋香肠同埋虾，虾够大只，够足料。三文鱼BLT三文治配乳酪汁 - 卖相好靓，三文鱼煎得够香又唔会太油，而且保存左鱼嘅肉汁够嫩，配上乳酪汁同埋面包，味道好有层次感而且亦都好夹。整体嚟讲我觉得除咗摆盘靓，食物嘅味道亦都唔错，环境亦都舒适，都系尖沙咀食饭嘅好选择。