海 三碗麵

营业中

休息中

知道三碗面平时都要等好耐先有得食，今次经过，见一直落住雨，又系平日未到七点既时间，就去试下。去既时候前便得一个人等位，但系店内只系得三张两人台。等左可能15分钟倒，就入坐了。之前已经上网睇过下个menu，有三款面，金华火腿，海虾浓汤同胡椒汤，见网上既menu 仲写饮品一律8元，不过我地问老细既时间，佢话冇饮品供应，可以去附近 grocery store 买。以为饮品一向都系食肆好好赚既项目，老细睇黎都好明显似系为兴趣多过揾钱。我叫左海虾浓汤，我觉得好好食，又香又够味，可能有人会觉得咸，但我觉得刚刚好。每款面都会夹一份烧牛肉，我比左朋友食，佢话好食。见住老细拎住火枪，一次又一次慢慢烧又好认真咁处理，唔知点解有份感动。我真系唔知点解。