姚姚酸菜魚 (希慎廣場)

营业中

休息中

🤔招牌酸菜鱼午餐 汤底普普通通，较酸。鱼肉都算滑，但较念身，冇咩味。酸菜都好酸吓。整体嚟讲，味道比较单一偏酸，同食平价嘅酸菜鱼分别唔算大。性价比唔高。麻辣烫午餐 - 藤椒汤汤底觉得呢个套餐比酸菜鱼套餐抵好多！$88有得拣三种肉类、三种菜类、仲有柠檬茶同甜品送。汤底方面，系鸡汤加上浓郁嘅花椒味道。选咗中麻，都唔算话好麻，刚刚好。冇咩辣味但又有花椒嘅香麻味。味道恰到好处。配料方面：薯粉烟烟韧韧。肉类方面，肥牛就普通，肥肉部份比较多。嫩牛肉系平时中式炒牛肉𠮶种质地。个人觉得嫩牛肉好过肥牛，冇咁多肥肉。豚肉比较硬，好似腩肉嘅质地。鲈鱼片都算嫩，冇骨。牛丸比较大浸骚味，麻麻。另外仲有三种菜或豆类拣，花菜即系椰菜。千叶豆腐系冇味嘅类似鱼片质地嘅物体。麻麻。 👌🏼麻辣烫午餐 - 麻辣汤底麻辣汤底都算浓郁，似重庆火锅汤底𠮶种味，都惹味，符合预期。不过讲特色，藤椒汤底喺其他餐厅少有嘅味道，都系会prefer藤椒汤底多啲。另外跟餐仲有冰粉同埋柠茶送。柠檬茶仲可以拣走甜或者走冰，好灵活，唔错。食物： ★★★☆☆ 环境： ★★★★☆ 推介度： ★★★★☆