雲貴川小鬍子 (西洋菜南街)

营业中

休息中

今日喺太子想食米线，未食过呢间，就俾个机会佢试吓先。.呢度米线汤底有几多选择，除咗有基本嘅猪骨、酸辣、麻辣、番茄汤底外，仲有麻酸辣、重庆酸辣、藤椒、胡椒猪肚汤底，适合钟意食辣嘅朋友嚟试吓。.我唔系太食得辣，叫咗酸辣汤底，小小辣。汤底真系几酸，但就盖过了我的「小小辣」辣度，食唔到有辣，可能要叫「小辣」以上先做到酸辣平衡。我老公食得辣，就叫咗藤椒汤底。老公赞汤底够麻够辣，但就无猪骨汤味，只饮到辣味。.我哋分别叫了5个𩠌：冬菇 — 共有4件，都入味、够淋，但就比较薄、唔够厚肉.麻辣腩肉 — 呢个好食，够麻够辣，又带少少甜味，几惹味.猪软骨 —有2大件，都炆得几淋几入味，唔错.萝卜 —有4件，煮到几淋身，带有少少甜味，无渣，都唔错.猪大肠 — 份量唔少，但略嫌比较多肥膏较难咬得开.配菜有酸菜、芽菜、肉碎、韮菜，份量就比较少，就算我叫了多酸菜，份量都比平常少；不过米线就算几多，食到好够饱。