影片
更多
2019-07-24
28 浏览
是日生病日，但系同男朋友庆祝纪念日，一早交左比男朋友发板。当佢同我讲我地系会去打边炉既时候，真心有D担心，系伤风感冒状态下仲要打边炉。。。不过，呢一餐系有惊喜，首先要比个好评男朋友去到铺头，男朋友同我讲呢度个老鸭汤好出名，咁岩我又病左，又系好钟意药膳既人，于是谂都唔谂就拣左呢个汤底。眼见佢都有好多款唔同既汤底可以拣，不过我觉得一场黎到点都要试呢个招牌既汤底既！啲姐姐都几好服务态度，不停地问洗唔洗介绍野食同解释落单方法。呢度既调味料都系基本既几款，亦有碟小前菜。汤底到，一煲滚姐姐就行过黎帮我地「不」两碗汤。男朋友平时唔钟意饮汤，但都认同个汤好甜好够味，但唔系味精。眼见佢真系有成半只鸭系入面，饮左落肚之后成个人暖返哂，结果我地一人饮左两碗先再加水打边炉，我觉得比起同类型sell汤底既火锅店，呢个汤底算系性价比好高！安格斯肥牛纹理好靓，肥瘦适中，我钟意食唔太熟既牛，落煲10秒就食得！佢牛味唔算大浓，呢一碟我地两个人食岩岩好，所以如果多人，可能要叫两碟啦！其他火锅料我地都系双拼半份咁叫，觉得咁样可以食多几款野。有午餐肉、芝士肠、鱼皮饺、鲜椎山、枝竹、稻庭乌冬、手打牛丸同埋醉鸡丸，最后仲加左个杂
去到铺头，男朋友同我讲呢度个老鸭汤好出名，咁岩我又病左，又系好钟意药膳既人，于是谂都唔谂就拣左呢个汤底。眼见佢都有好多款唔同既汤底可以拣，不过我觉得一场黎到点都要试呢个招牌既汤底既！
啲姐姐都几好服务态度，不停地问洗唔洗介绍野食同解释落单方法。呢度既调味料都系基本既几款，亦有碟小前菜。
汤底到，一煲滚姐姐就行过黎帮我地「不」两碗汤。男朋友平时唔钟意饮汤，但都认同个汤好甜好够味，但唔系味精。眼见佢真系有成半只鸭系入面，饮左落肚之后成个人暖返哂，结果我地一人饮左两碗先再加水打边炉，我觉得比起同类型sell汤底既火锅店，呢个汤底算系性价比好高！
安格斯肥牛
纹理好靓，肥瘦适中，我钟意食唔太熟既牛，落煲10秒就食得！佢牛味唔算大浓，呢一碟我地两个人食岩岩好，所以如果多人，可能要叫两碟啦！
其他火锅料我地都系双拼半份咁叫，觉得咁样可以食多几款野。有午餐肉、芝士肠、鱼皮饺、鲜椎山、枝竹、稻庭乌冬、手打牛丸同埋醉鸡丸，最后仲加左个杂菜篮添。
所有配料都好新鲜，当中最值得一提既就系呢粒醉鸡丸。一向都对有中国酒味既野情有独钟，好钟意个阵酒香。呢粒醉鸡丸真系好有食濑尿牛丸既感觉，一咬开（真系好热架，要小心）已经闻到好香，入面既酒虽然已经挥发左好多，但系成粒丸都吸哂花雕酒既味，好似食紧浓缩左既醉鸡汤底咁。如果佢有得外卖，我都会好想买返屋企打边炉食。
叫到一枱都系野食既港式边炉，最后埋单都只系500几蚊，咁我觉得好过去食任饮任食好多。最后煮完个乌冬试左啖汤，都仲系好甜，真系好回味呀！一定会再有下次
张贴
