蘇媽.蘇媽馬來西亞茶餐室

营业中

休息中

假期午市12点到，餐厅已经坐满人，所以记住要早d到，就唔驶排队等位。叫左槟城白咖哩面($55)，三层肉($48)，椰香咖央多士($28)。面类食物有好多款可以拣，尼款系白咖哩，可以自己拣辣度。汤底奶白色，好大阵椰香味，而且愈饮愈上瘾，超好味。有大量配料，其中有鱼蛋、猪红、蛋、已除壳既虾、豆角、芽菜，好丰富。油面份量多，唔算挂汤，但一啖面一啖汤，好jeng。成碗汤饮哂冇难道。个人钟意尼个汤多过肉骨茶。肉骨茶好浓药材味，颜色深，入口甘，不过好易冻左，所以饮到一半，要refill热既。 估唔到一小个碗，都装到好多件三层肉。每件肉都肥瘦层层可见，肉易咬，不过唔算好入味。咖央厚涂甜而不腻，而且烘得够脆够香口，放耐左先食都一样好味。多士一开四件，方便食。不过牛油如果都系厚切一块夹住，会更加有口感同好食。整体，侍应做野手脚快，而且食物好快就到，虽然餐厅唔算大，但坐得舒服。