捌哥.捌哥特色馬拉茶啡廳

营业中

休息中

今日第一餐叫丰富啲，细渗，咖央多士，虾面，喇沙，爱他爱她，美禄恐龙同马来拉茶。先黎两杯饮品，美禄恐龙嘅美禄粉无新加坡饮到嘅咁夸张，人地啲美禄粉成座山咁高；拉茶茶味淡，无练奶嘅香甜，都系茶记嘅港式奶茶好饮啲。咖央多士好脆，只食到甜味，无椰味同班兰味；虾面同喇沙望落有啲似，不过两个汤底系唔同嘅，喇沙正路，虾面个汤真系虾味重啲，有虾甜味，鱼蛋唔腥唔弹，啲腩肉好干好鞋，虾系正正常常，唔好期望爽口弹牙，不过惊喜在于跟面一齐上嘅辣酱，系蕃茄辣酱，好香浓蕃茄味，呢个一赞。细渗黎到，果然系combo，入面有金菇豆卜鸡脚猪手猪肚猪肠，当中最好食系鸡脚，唔系煮到烂溶溶，个汤有药材味，不过好似闻唔到当归香味，味道都可以；爱他爱她(睇餐牌系写鱼肉混有香料嘅鱼条)，味道似泰式鱼饼，但系肉质超淋，似粉团，呢个唔啱我口味。