馬祖台灣養生湯麵館 (V Point)

营业中

休息中

早几日见人介绍药膳汤面，睇到药膳二字已经觉得出街食都好健康咁，即刻约朋友黎试下。平日晚上7点9左右到达，可以即时入座，店内亦有唔少食客。 到我地食完9点零都仲有食客黎。 店内座位不多，但枱与枱间唔算太迫。 店面职员不多（2个），但又唔洗都等好耐就有人落单。点左2个套餐，香辣药膳牛肉汤手工面同药膳古早牛肉汤手工面，配盐酥墨鱼春卷同药膳上汤浓汁手作牛丸。 香辣药膳牛肉汤手工面睇落已经令人有食欲。汤好浓，药膳味无我想像中咁劲（我钟意重药膳味），牛肉量多，肉质淋易咬，萝卜大大件，好淋。我最钟意个手工面，好好咬口。 碗面份量大，食唔晒，但因为个面好味，几饱都想食埋佢。 药膳上汤浓汁手作牛丸哩个汤就真系我想要既药膳汤。 好浓药膳味 yumyum 牛丸无特别引起我注意，个汤就好好味。盐酥墨鱼春卷哩个无乜特别，正常墨鱼春卷个餐另外有杯饮品，我点左冻无糖茉莉花茶，朋友点左蜂蜜茉莉花茶。 普通茶一杯，无特别。 如果有得叫珍珠奶茶，个感觉会更好 哈哈两个人埋单$216。 铜锣湾简单食，地方都叫坐得舒服，咁既价钱都算抵。