麵館皇 (已結業)

去Chanel cafe 之前想先食碗面，一出地铁站见到面馆皇个餐牌好多选择㖞，就同朋友食完先至去 cafe。入到去装修简简单单，以木为主题，地下几干净，座位都唔会好挤迫，不过有啲系木嘅圆椅，坐得会冇咁舒服。店员姐姐介绍我哋食刀削面同手擀面， 刀削面呢系人手制嘅， 较为爽口。而手擀面系机制，相对较为薄身，较有咬口一点。鱼与熊掌真系好难拣。手擀面药膳汤底好香，猪骨同鸡煲成，饮到有当归玉竹党参沙参味，啲汤真系好滚，食面最紧要啲汤够热😜整体味道不错味道不错，药味恰到好处，感觉好补身，特别要赞一赞呢个石锅，食到最后一啖啲汤都仲系暖。冬天食嘅时候真系好暖胃。口水鸡份量，真系好惊人！有一整只鸡脾份量，最难得系无冰鲜嘅味道，咬落去肉质好嫩滑。辣味适中，但系不嗜辣嘅可能会受不住。办嘅程度但大约系谭仔10小辣。口水鸡下面仲放咗大约10条青瓜，味道爽口，又可以避免啲咁直接真系啲浸系辣油当中。分量真系太大啦，我同朋友都食唔晒。跟餐送一杯饮品。朋友叫咗杯冻柠茶，入口唔涩口，柠檬唔会带苦味，茶味ok。