馬祖 (將軍澳廣場) (已結業)

今日介绍马祖嘅药膳汤底米线，餐牌劲多款拣，米线比较爽身，而佢嘅药膳米线更系十分高质，Lunch set仲唔收加一，还可以追加多款小食。碗面嚟到原来劲大碗，超抵食，花枝丸同贡丸各有三粒，两只丸都唔会好咸，我觉得贡丸好食啲，药膳汤底味道清甜，唔会好重药材味，可以见到有红枣、杞子、木耳，龙眼肉等！个汤底味道真系好养生，真系啱晒养生之人，食完超大满足，佢嘅价钱合理份量又多，估不到除了火锅之外，汤米线都好食！食晒成碗米线之后，仲可以饮埋个药膳汤底，完全唔觉得口干，食得出应该无添加味精。追加左三款小食卤水鸡翼（5只）都算扺食，非常入味好淋，味道几好，啲鸡肉都几嫩滑。上汤白菜猪肉饺（6粒）几饱满几大只，馅料丰富，但唔算好出色，普通啲。而药膳上汤墨鱼春卷（6粒）原来好高质，好弹牙，有咬口。店舖内装修光猛开扬，尚算干净，地方濶落简洁，多数是卡座位，坐得很舒适。服务员态度都唔错，食物好食，叫完嘢食好快就有得食，对于这个价格来说服务和环境总体还是不错的，胜在价钱亲民。