好煮意 (已搬遷) 新店位置

无啦啦肠胃炎泻左两日，成个瘦晒 ﹗梗系要补补去啦，又黎药膳鸡煲，叫定指天椒豉油等食。上等药材花雕鸡窝汤底细，跟返 menu 打先，一向求其叫做药膳鸡煲或醉鸡窝算架喇。鸡件卖相唔错，等个汤滚起就掉晒落去搞掂。鸡件无腌过，闻唔到任何味道，酒味亦都无。上等药材花雕鸡窝汤底细，开呀 ﹗香气扑鼻，花雕、药材、红枣及鲜鸡味道非常 balance，唔会偏甜唔会带涩味！浅浅酒香夹杂药材红枣甜味，好味道！鸡件虽然略肥，鸡味又稍淡，皮又较厚，好采食落都唔系太差，汤底搭够，而且大滚后熄火，慢慢浸熟鸡件，肉质嫰滑，又保存到肉汁，好幸福啊 ﹗推介上水首选药膳醉鸡锅，香浓味美，越烚越浓郁，我净系今晚都饮左四小碗呀！虽然佢地系上水一，但我都系觉得我煮既醉鸡窝好味好多 ﹗因为自己食可以不计成本，用最靓既新鲜走地鸡、靓药材加靓陈年花雕麻，哈哈 ﹗澳洲和牛展，今次唔食普通肥牛喇，试试牛展啦。烚一烚 5 成熟即啪入口，味道不过不失，有牛味亦好软棉，唔系话特别好食，一该无妨，合格。同香港食开好结实、有咬口既牛展完全唔同。手打墨汁墨鱼丸，必食 ﹗保持高质数，劲鲜劲弹劲多汁，仲有墨鱼肉一粒粒添！正正正！墨鱼汁超香甜，非一般既鲜甜