龍寶酒家

营业中

休息中

食食吓望真啲先发现原来有只小昆虫，有翼有脚相当完整，一枱四个人都肯定𠮶只100%系昆虫。唔知道系上菜有定飞落去，因为我迟咗到又冇人郁过𠮶碟野，去到我郁先见到，咁就循例揾咗职员。第一个稍为有良心啲，就话应该系蚊滋仔，又揾咗第二个嚟睇，第二个讲嘢前言不对后语死拗，一开始就话药材汤就系咁，成煲个面都系咁（如果成煲个面都系昆虫嘅我只可以祝福你早日执笠），之后又话可能系啲药材有（咁你哋仲帮𠮶间买药材？），最后仲要咬定系红枣皮拗话唔系昆虫（红枣皮原来有对透明嘅翼仲有脚可能仲会飞，一定系我孤陋寡闻）。其实自己都有做过厨房，对呢行嘅人我都觉得我相当寛容，我都唔打算计较啲咩，入面有只昆虫呢个事实拗嚟都冇意思，老实啲要换就换要取消就取消，我又唔打算揾食环署投诉。最后态度仲要好似凶我咁又话药材汤点点点点，当人无煲过定无饮过？我都做过汤位较过汤，唔该你唔好当人傻，认错咗有咁难？最后取消咗，其他野我都已经食唔落（如果成煲汤个面都系昆虫卫生情况真系堪忧），嗯，都冇乜野继续保持住呢种质素态度，我总会等到你哋全线执笠，祝福你哋。