盈記四季養生麵館

营业中

休息中

一向米线都系我嘅至爱，今晚约咗朋友喺湾仔嘅一间专门做药膳嘅面店，叙吓旧，又可以食啲健康养生嘅嘢。朋友叫咗个药膳农场鸡虫草花养生汤，貌相非常之吸引，好多虫草花，汤嘅药味都几浓，农场鸡亦非常肥美柔嫩。而我就叫咗一个药膳农场鸡桃胶养生汤，当然都系配米线啦。本身平时都好钟意食有桃胶嘅糖水，估唔到可以喺个米线里边加咁多桃胶，连食正餐都有美颜嘅作用。我最近瞓得唔系好好，所以叫咗杯热朱古力，希望喺饮品方面都可以帮到我瞓得好啲。而小食方面我净系叫咗一个酱香牛肋条，都几入味，啖啖肉。朋友本身话午餐食滞咗，但系佢食完个药膳米线，反而觉得舒服咗，唔通呢度啲米线有消滞嘅作用嘅？