盈記四季養生麵館

营业中

休息中

环境4分：大大个餐牌放在响门口出面，非常显眼同易明。地舖门面好光鲜，虽然地方唔算大，但坐得唔会好逼，最搞笑系D櫈，可以畀四分。卫生5分：Ｄ位全部有板隔开，餐具响台上面，Ｄ餐台非常干净，可以畀满分。服务5分： 侍应一个人做晒所有野，接待，落单，传菜，清枱，埋数，快手快脚唔啰唆，满分！味道5分：1)  药膳农场鸡虫草花养生汤米线有大约六旧鸡件同大量虫草花，仲有木耳，药膳汤底食落非常养生，少少药材味但唔苦，食完真系觉得有些少热。2)  红油抄手有5只，个皮真系超级薄，馅靓够嫩同嘢味，好食过好多上海舖，真心正。3)  古法炆萝卜都系药膳汤底，眼见好多半开嘅红枣，萝卜炆到超淋，唔使用牙都食得到。4)   鲍鱼汁炆花菇有4只，冬菇同样非常之淋同入味， 大大嚿花菇一定要试。5)   冻菜蜜大大杯非常抵饮。抵食5分：六十几蚊就有大大碗鸡米线，仲要系药膳汤底，饮得出Ｄ汤系用多种药材煲成，呢个价钱又有汤又有面食，堂食仲要有九折，真系非常低，满分。