馬哥孛羅香港酒店大堂酒廊

营业中

休息中

说时迟那时快，因为风暴，上天给予了长周末，但好快又要结束啦！为左抓住周末的尾巴，无论如何都要争取时间，轻轻松松咁hea左佢！来到酒店吃半自助餐。 🍖 半自助餐嘅特色就系半自助。拜托大家，首先唔好打头。其实我系真心嘅！食自助餐好多时候都会食得好杂，冇次序，又会食到又冻又热，又咸又淡。而且成日要出去攞野食，怕死会蚀底咁，所以基本上做唔倒hea既效果。半自助餐就唔同，由于主菜同甜品都系事先选好，真正行出行入嘅时间就会好少，而且摆盘都比自己放嘅靓好多，所以都会细心啲切黎食，慢慢享受。自然就多左时间倾计，同慢慢品尝美食。 🍖呢度既主菜选择都有好多，又有中式又有西式，西式羊架煎到medium rare, 唔会太so. 中式牛仔骨，虽然卖相比较似酒楼，但个丝苗米煮得超好食，粒粒分明，又有米香。 🍖甜品一个系芒果，桃，抹茶蛋糕，另一个系焦糖焗布甸。虽然两个都好食，但系下次我一定会两个都拣焦糖布甸。真系无得输。 ✨️呢度客人唔多，而且冇自助餐嘅一家大细，喧哗嘈吵。似乎系尖沙咀呢个周末闹市嘅一片绿洲。