木

营业中

休息中

同同事在上环做完嘢好肚饿，无啦啦行到上环苏杭街，本身谂住求其揾啲嘢食，突然见到一间铺仔细细，以木为主题嘅餐厅，见到个午餐Menu都几吸引，以一试嘅心态入咗去，除咗楼下吧枱位置，楼上仲有normal table。 天气冻冰冰，我自己就点咗个热辣辣嘅关东煮，而同事就点咗一个牛丼。 关东煮里面有超过六种不同配料，而highlights就系入边嘅萝卜，萝卜超入味😍。 同事就话佢嘅牛丼，牛肉味超浓郁，老细话佢哋系用牛肋骨嘅部位做，怪唔知😌。 最后我哋都跟餐加$15嗌咗一杯咖啡，虽然只系$15一杯，但绝对拍得上酒店水准！赞！ 跟住再研究吓佢哋晚餐餐牌同埋酒单，发现佢哋种类超多，尤其是清酒方面，都系60几蚊起，下次一定会嚟食晚饭，同埋其他朋友一齐嚟饮Sake同wine。