影片
更多
2016-05-07
630 浏览
我钟意食嘅嘢都几多元化，西餐中餐、贵嘢地踎，都冇咩特别偏好，总之唔难食就得。每次出去都系因应地区而决定食啲咩，例如去深水埗就主要食啲地踎嘢、大坑就饮咖啡，当然有时都会转吓口味同习惯嘅。呢日同朋友去深水埗影相，咁就去咗附近嘅苏记食早餐先。呢度系全开放式嘅旧式茶档，虽然有簷篷遮一遮，但都系好天晒落雨淋。呢种食店通常只会晌旧区先有，环境一定会比室内嘅茶餐厅无咁好同热，不过都算系香港嘅本地特色之一嚟。因为见猪扒系佢哋嘅招牌货，咁我哋就分别叫咗猪扒面、猪扒猪膶面。我唔食猪膶所以唔知咩味，猪扒就切咗件，食起上嚟都几方便，肉质都几松化，调味恰好，冇俾松肉粉腌过头嘅感觉，同埋成碗都系骨位、冇咩肉食，似系凑凑埋埋咁、唔似来自同一块猪扒。其实我影咗成碟骨嘅食后相，我谂都冇人想睇食物残渣相挂？！不过连骨位嘅猪扒都有好处，通常会入味啲，同埋比只有肉嘅位香啲。面就系平常茶餐厅𠮶种大光面，浸耐咗都冇话会太腍身，𠮶日仲见到食店啲人洒水晌啲未煮嘅面饼度，应该系想啲面快熟啲，节省煮嘅时间，咁香港人分秒必争，都可以理解嘅。然后我哋叫咗油占多，系厚身面包嚟，搽咗果占同牛油再烘到脆脆哋。另外仲有热奶茶、冻奶茶，唔知系唔系我嘅
呢日同朋友去深水埗影相，咁就去咗附近嘅苏记食早餐先。
呢度系全开放式嘅旧式茶档，虽然有簷篷遮一遮，但都系好天晒落雨淋。呢种食店通常只会晌旧区先有，环境一定会比室内嘅茶餐厅无咁好同热，不过都算系香港嘅本地特色之一嚟。
因为见猪扒系佢哋嘅招牌货，咁我哋就分别叫咗猪扒面、猪扒猪膶面。我唔食猪膶所以唔知咩味，猪扒就切咗件，食起上嚟都几方便，肉质都几松化，调味恰好，冇俾松肉粉腌过头嘅感觉，同埋成碗都系骨位、冇咩肉食，似系凑凑埋埋咁、唔似来自同一块猪扒。其实我影咗成碟骨嘅食后相，我谂都冇人想睇食物残渣相挂？！不过连骨位嘅猪扒都有好处，通常会入味啲，同埋比只有肉嘅位香啲。面就系平常茶餐厅𠮶种大光面，浸耐咗都冇话会太腍身，𠮶日仲见到食店啲人洒水晌啲未煮嘅面饼度，应该系想啲面快熟啲，节省煮嘅时间，咁香港人分秒必争，都可以理解嘅。
然后我哋叫咗油占多，系厚身面包嚟，搽咗果占同牛油再烘到脆脆哋。另外仲有热奶茶、冻奶茶，唔知系唔系我嘅口味比较奇怪，呢排饮嘅奶茶都好似冇咩茶味咁，不过都几顺喉几滑嘅。
题外话/补充资料：
呢度系冇套餐，全部嘢食都系散叫，以深水埗物价嚟讲夹夹埋埋都唔系好平。食物系正常以上嘅水准，招牌猪扒方面，如果冇比较嘅话我哋会觉得呢间几好，但系因为我哋食过尖沙咀某间又系地踎茶档嘅（唔讲名喇），有比较之下好似佢哋比呢间好食啲。
(以上食记乃用户个人意见 , 并不代表OpenRice之观点。)
张贴
