FRANCIS west

营业中

休息中

氛围感满分，灯光微暗，好有格调。我哋坐吧枱，侍应见我哋冇叫酒，倒咗少少气泡酒俾我哋送嘢食，唔洗太dry。服务都非常好，会介绍餐牌、推荐菜、嘢食做法，上菜速度正常，又唔会催你走。*Sourdough Frena $120鹰嘴豆泥豆味比想像中淡，质地好顺滑，配中东辣酱red zhug、番茄沙律matbucha，系少见嘅配搭，番茄味唔会太强烈，辣味会多啲。摩洛哥薄饼Frena烧到焦脆，口感似厚身嘅彼得包，但太细块啦呱！Lamb ribs $180羊肋条肉少，肉质扎实、有咬口，多汁唔会好韧。配乳酪、芫荽酱，清新微酸，但惊喜唔大。Jerusalem Artichokes $110洋蓟去茎去叶，留下心部，口感似薯仔，带茄子嘅味道。配番茄做嘅酱汁、葡萄叶vine leaf，味道好有惊喜，各种调味都恰到好处。Beef kebab $220牛肉肉碎串起整成kebab，烧到外面干身，但仲保持有肉汁，配青椒莎莎酱、中东芒果酱amba，香料味重，辣度十足。