咲の木 (已結業)

星期日当大家去效游时，我谂住苏豪区少人，所以去左揾食。见到这间店新开不久，于是入去试下。虽然门面比较西化，但其实系以日式食物为主。我叫左个最简单嘅刺身饭，朋友叫左个泡菜猪肉饭。刺身饭虽然唔系太特别，但以佢个地点嚟计，都算抵。反而值得一提系佢个Wasabi，非常高质，好明显系即磨，仲要好好味。朋友话个泡菜猪肉饭辣度适中，猪肉都好味，价钱仲唔贵。小店另一个卖点系有多款啤酒。可能因为新开，见到店员俾隔离枱试左几款啤酒，最后隔离枱叫左两杯黑啤，听唔清楚系边款。