De België (已搬遷) 新店位置

平时好少上嚟苏豪区食嘢，估唔到夜妈妈苏豪区都有好多食肆营业。除此之外，仲有好多酒吧，好多外国人喺度聚集，好有气氛。 今晚我哋去呢间餐厅其实都系酒吧嚟㗎，不过又有埋嘢食，而佢主打系乜嘢呢?就系比利时菜。我谂好多人都冇试过比利时菜，就等我哋一齐嚟试下啦。 黎到比利时餐厅一定要饮下比利时出嘅啤酒。即使唔钟意饮酒嘅你，喺度总会拣到一款啱你嘅酒，无论系酒精浓度小或多都应有尽有。如果唔识拣都唔紧要，因为呢度嘅待应生都系香港人嚟㗎，佢哋好耐心咁样介绍一啲酒畀我哋。 而今次我哋就饮咗一支黑啤，叫Rochefort 8, 听佢介绍，应该系啤酒名牌嚟添。唔似其他黑啤咁，呢支入口容易，而且有一阵谷物味道，入口好醇，极力推介。 另外叫咗一杯无酒精嘅mocktail，青苹果味嘅梳打，甜甜地好清新，但系冰块多左啲啦。呢个前菜系叫Tomato Aux Crevettes, 系啲虾仁加埋啲忌廉酱酿入 一个蕃茄里面, 卖相整得好靓，亦好好味 ，酱甜甜地，有少少似沙律酱，虾仁好爽。Belgium Ham&Shrimp Croque, 呢度菜有啲似沙律卷 外层炸到好脆，好香口， 里边系一啲火腿夹埋虾嘅肉碎。 好多青口呀!