影片
更多
2021-08-06
596 浏览
Happy Friday! 约左友人黎呢间位于中环士丹顿街既Brick by Brick食个lunch。原来入口唔喺士丹顿街21号，要兜返落去斜波俊荣里条窄街入去先见到。餐厅座位唔多，得几张枱，系半开放式。平日有午餐餐牌，包红菜头沙律或是日餐汤，主菜五拣一，有意粉，鱼，鸡，同牛扒，价钱由$88至$188不等，唔收加一。包咖啡或茶，可以加钱升级餐饮至汽水，果汁，或姜茶，罗汉果茶。红菜头沙律（跟餐）红菜头沙律有好多红菜头粒，新鲜沙律菜，同车厘茄，仲有甜甜既橙肉平衡下个味道。味道都浓，汁够哂味。作为一个跟餐沙律份量好足。蘑菇汤（跟餐）未饮先闻到好香嘅黑松露酱味。蘑菇汤上面加左少少芝士碎同黑松露酱，蘑菇汤好滑同算厚身，味道好够。鲜番茄烩猪肉酱意粉 $128意粉系spaghetti，唔会煮得太稔，质感唔错。上面有猪肉丝，猪肉味浓。鲜番茄似系车厘茄。上面撒上香草。个汁有红酒味。香煎三文鱼柳配蜜糖灯笼椒酱 $148香煎三文鱼柳都唔细块，块皮系脆脆地，满布盐花，有d咸，要同肉一齐食。鱼肉都几嫩。蜜糖灯笼椒酱甜甜地几好味。伴碟有六件烤薯仔角同新鲜沙律菜。仲有一块柠檬比你自己加汁。泰式香茅班兰叶姜茶 （右
平日有午餐餐牌，包红菜头沙律或是日餐汤，主菜五拣一，有意粉，鱼，鸡，同牛扒，价钱由$88至$188不等，唔收加一。包咖啡或茶，可以加钱升级餐饮至汽水，果汁，或姜茶，罗汉果茶。
红菜头沙律（跟餐）
红菜头沙律有好多红菜头粒，新鲜沙律菜，同车厘茄，仲有甜甜既橙肉平衡下个味道。味道都浓，汁够哂味。作为一个跟餐沙律份量好足。
蘑菇汤（跟餐）
未饮先闻到好香嘅黑松露酱味。蘑菇汤上面加左少少芝士碎同黑松露酱，蘑菇汤好滑同算厚身，味道好够。
鲜番茄烩猪肉酱意粉 $128
意粉系spaghetti，唔会煮得太稔，质感唔错。上面有猪肉丝，猪肉味浓。鲜番茄似系车厘茄。上面撒上香草。个汁有红酒味。
香煎三文鱼柳配蜜糖灯笼椒酱 $148
香煎三文鱼柳都唔细块，块皮系脆脆地，满布盐花，有d咸，要同肉一齐食。鱼肉都几嫩。蜜糖灯笼椒酱甜甜地几好味。伴碟有六件烤薯仔角同新鲜沙律菜。仲有一块柠檬比你自己加汁。
泰式香茅班兰叶姜茶 （右）(跟餐+$25)
通常做完水疗就会饮呢类饮品。支饮管系香茅黎，饮落有淡淡香茅同姜味。杯边放左一块青柠。
话梅桃胶罗汉果茶 （下）(跟餐+$25)
话梅桃胶罗汉果茶既罗汉果味好重，加左一粒大大粒话梅，所以有淡淡嘅话梅味。下底真系有桃胶食。
服务员态度非常友善，今餐食得好舒服。环境好静，方便同友人谈天说地。如果菜式既咸度调低返少少会更好。
除咗西餐之外，呢度都有秘制马来西亚咖哩喇沙汤面，下次可以试吓。
张贴
