影片
更多
2020-10-13
1522 浏览
今次黎到呢间位于鲤景湾嘅黄店，见menu都有几多奇怪菜式，其中最罕见嘅系鸡肉刺身，咁我当然要试试啦！-上年去柏林旅行时去街市食过Mett，即系食 剁 生 猪 肉 +洋葱铺上面包，但又离奇地几好食㖞，佢腍过牛肉他他，其实有少少似日式吞拿鱼丼上面嘅免治吞拿鱼刺身。-食后感：鸡肉刺身好咸😫 系烟熏三文鱼咸度嘅10倍。建议一定要拌埋底下嘅生洋葱食，唔系为左辟鸡肉嘅腥味(因为其实唔腥定膻)，纯粹系想揾另一样有强烈味道嘅嘢去平衡返烟熏鸡肉嘅咸味。质感方面，鸡肉刺身系滑嘅，似无筋嘅烟熏三文鱼咁啦！总括而言，以$100都唔洗嘅价钱，可以猎奇试下鸡肉刺身，系绝对值得嘅！-本鲔寿司盛寿司最钟意都系食拖罗! 因为拖罗嘅鱼油夹埋粒粒饱满嘅珍珠米，真系好好味😭 赤身、中拖、大拖都系完全无筋，中拖、大拖入口即融，不得了🥰-鸡 泡 鱼 的 睾 丸 —— 河豚白子寿司-还记得小时候第一次去日本旅行时，阿爸话想食鸡泡鱼，但我细胆惊厨师处理得唔好会毒死，所以唔肯同佢食。宜家谂返都好后悔，人一世物一世点都要试下的!-今次有少少可惜嘅系，本身呢间餐厅有河豚刺身嘅，但𠮶日咁啱餐厅无，所以我地就退而求其次试河豚白子 (河豚嘅睾丸
-
上年去柏林旅行时去街市食过Mett，即系食 剁 生 猪 肉 +洋葱铺上面包，但又离奇地几好食㖞，佢腍过牛肉他他，其实有少少似日式吞拿鱼丼上面嘅免治吞拿鱼刺身。
-
食后感：鸡肉刺身好咸😫 系烟熏三文鱼咸度嘅10倍。建议一定要拌埋底下嘅生洋葱食，唔系为左辟鸡肉嘅腥味(因为其实唔腥定膻)，纯粹系想揾另一样有强烈味道嘅嘢去平衡返烟熏鸡肉嘅咸味。质感方面，鸡肉刺身系滑嘅，似无筋嘅烟熏三文鱼咁啦！
总括而言，以$100都唔洗嘅价钱，可以猎奇试下鸡肉刺身，系绝对值得嘅！
鸡肉刺身沙律
33 浏览
0 赞好
0 留言
-
本鲔寿司盛
寿司最钟意都系食拖罗! 因为拖罗嘅鱼油夹埋粒粒饱满嘅珍珠米，真系好好味😭 赤身、中拖、大拖都系完全无筋，中拖、大拖入口即融，不得了🥰
本鲔寿司盛
51 浏览
0 赞好
0 留言
-
鸡 泡 鱼 的 睾 丸 —— 河豚白子寿司
-
还记得小时候第一次去日本旅行时，阿爸话想食鸡泡鱼，但我细胆惊厨师处理得唔好会毒死，所以唔肯同佢食。宜家谂返都好后悔，人一世物一世点都要试下的!
-
今次有少少可惜嘅系，本身呢间餐厅有河豚刺身嘅，但𠮶日咁啱餐厅无，所以我地就退而求其次试河豚白子 (河豚嘅睾丸) 啦！听落觉得怪怪地，「白子」喺日文解「白色的孩子」，原来河豚白子系其身体内毒素含量最低嘅器官，而卵巢则是最毒嘅器官，雌雄走两个极端。
-
食后感：离奇地好好味㖞！佢入口好细致绵密，唔会食到一粒粒好似卵子咁；味道方面就有少少似海胆，不过系无咁甜，而系比较苦、回甘，同埋口感都无咁腍啤啤，而系结实少少嘅。同上面嘅蟹子同葱粒配合得几好！
-
结论：河豚白子好矜贵，事关条鱼要养到三岁先会发育有精囊，仲要一条鱼只有好细嘅精囊。所以以$38一件军舰寿司可以试到河豚白子，系非常值得嘅！
河豚白子寿司
89 浏览
0 赞好
0 留言
-
活赤贝
本身点餐时见餐牌上个名叫「活赤贝」，就以为系咪好似韩国活章鱼咁，摆入口都仲系郁下郁下咁，原来佢上碟时已经唔再系生勾勾咁。但好彩嘅系都真系 非 常 新 鲜，味道鲜甜，质感方面就系表皮好滑劣劣，咬落好弹牙脆口，应该系我食过最脆口嘅赤贝！
活赤贝
42 浏览
0 赞好
0 留言
-
总括呢间黄店，价钱系偏贵嘅，如果你想食平啲可以食佢嘅晚市定食套餐或刺身丼，但个人认为呢间餐厅嘅特色系个餐牌有林林总总较为稀有嘅菜式，包括之前介绍过嘅鸡肉刺身、河豚白子，所以无谓食啲普通店铺都食到嘅海鲜，不妨可以以a la carte嘅形式叫一啲觉得得意嘅嘢食！
-
当日我地黎食𠮶晚咁啱系黑色暴雨，约好左朋友就费事甩底啦。但一路沿海边行，倾盘大雨加雷电交加，我一度谂死啦会唔会为左食餐饭俾雷劈死。点知入到餐厅好惊讶发现，间餐厅系全full嘅。即使系横风横雨，而餐厅本身又唔系喺商场入面，而系一出门就会照头淋雨，都可以客似云来，大家可想而知东区居民几钟意呢间日本餐厅啦！
张贴
