影片
更多
2017-05-02
2008 浏览
喺打工仔嘅假期劳动节决定过海揾食，本来想食小包…去到先知周一系六点后先开门sosad，我地同呢间食店无缘，黎过几次都食唔到…行左条长命斜过番黎苏豪呢边食左呢间「白胡子」。白胡子铺面唔大，装潢都几有心思，门口做成餐车嘅造型，有几个位可以坐外面，几有外国风味。里面一边系厨房，一边系几张高枱高凳，怕热嘅客人可以坐里面。（中环码头外卖店系冇位坐的）仲有部怀旧游戏机~白胡子仲有一系列嘅手工啤酒，如果喜欢饮啤酒，配炸鱼薯条冇得输啦~店员系外藉人士，但餐牌中英对照，图文并茂。估唔到有一家三口都同我地一样，咁早就挑战炸物，哈~参考左佢地食啲乜之后，我地就点餐喇。店员即时制作，新鲜热辣。不过可以放心，餐厅通风不俗，唔洗怕食完野一阵味~fresh pressed lemonade pineapple express因为天气太热，我地行完一轮都忍唔住要先点杯饮品，非酒精类都有8-9款选择。我拣嘅菠萝汁坚系有块菠萝 (笑)，够解渴，多啲冰更爽！柠檬黑椒炸鱼薯条 $78炸鱼薯条有6款，定价$75-$88，分别系招牌炸鱼薯条、炸鳕鱼薯条、柠檬黑椒口味、香辣、泰式冬荫公、香蒜口味，另有一口炸鱼薯条($60)。可以选
行左条长命斜过番黎苏豪呢边食左呢间「白胡子」。
白胡子铺面唔大，装潢都几有心思，门口做成餐车嘅造型，有几个位可以坐外面，几有外国风味。
里面一边系厨房，一边系几张高枱高凳，怕热嘅客人可以坐里面。（中环码头外卖店系冇位坐的）
仲有部怀旧游戏机~
白胡子仲有一系列嘅手工啤酒，如果喜欢饮啤酒，配炸鱼薯条冇得输啦~
店员系外藉人士，但餐牌中英对照，图文并茂。
估唔到有一家三口都同我地一样，咁早就挑战炸物，哈~参考左佢地食啲乜之后，我地就点餐喇。
店员即时制作，新鲜热辣。不过可以放心，餐厅通风不俗，唔洗怕食完野一阵味~
fresh pressed lemonade
pineapple express
因为天气太热，我地行完一轮都忍唔住要先点杯饮品，非酒精类都有8-9款选择。
我拣嘅菠萝汁坚系有块菠萝 (笑)，够解渴，多啲冰更爽！
柠檬黑椒炸鱼薯条 $78
炸鱼薯条有6款，定价$75-$88，分别系招牌炸鱼薯条、炸鳕鱼薯条、柠檬黑椒口味、香辣、泰式冬荫公、香蒜口味，另有一口炸鱼薯条($60)。
可以选配8款酱汁，我地拣左比较保守嘅他他酱。
薯条好粗身！热辣辣，够脆口，面而且冇粉感，好比食紧新鲜薯仔，面头少量黑椒味道，唔会过咸
但有个问题，小店用嘅木制叉、刀，其实唔系好叉到/切到炸物，最后我地放弃左，决定原始啲，用手食。
炸鱼都几大块，炸粉唔会好厚，鱼肉都尚保持嫩口唔鞋，配合他他酱好味~而且炸鱼块加入柠檬味道，又唔会好油腻
白胡子海鲜篮 $78
如果唔钟意食鱼，都有非鱼类嘅炸物，例如鱿鱼圈、炸虾、蚝、鱿鱼须、蟹钳、虾饼等，我地几个选择困难症，又乜都想试啲，店员就提议点海鲜篮，乜都有啲，我地都唔想烦，听佢话，点左一份海鲜篮。
里面有炸虾、蚝、带子、鱿鱼圈等，都几抵食。
特别系炸虾，虾肉唔会霉，好爽口弹牙
鱿鱼圈好大只，炸粉比较松脆，所以有时食食下层皮会分离变左脆皮有脆皮食，海鲜还海鲜食。
蒜香炸虾篮 $42
炸虾篮好食呀炸粉加入左蒜香，较柠檬黑椒口味突出，不过就会有少少咸。
虾肉食得出新鲜，肉质通透，而且size都唔细，推荐~
洋葱圈 $20
洋葱圈建议炸起即食，因为冻左，炸粉会变硬，冇咁好食。
整体黎讲，白胡子嘅炸物都相当出色，位于苏豪区，定价合理。
附近有唔少特色壁画，假日过黎行下影下相，总好过挤喺商场行啲毫无特色嘅名店。
张贴
