影片
更多
2010-11-21
42 浏览
一向以来，我都觉得在游客区做外国人生意嘅中菜餐馆，永远都系价钱贵，食物平凡，质素亦尤如外国唐人街餐馆东施效颦一般，香港人食必定叫把鬼回水。不过苏豪区附近有一间极有中国特色嘅小店，将我呢个谂法纠正，而且口味亦相当适合香港人口味添...呢间红双喜装修极有中国节日气氛，全间餐厅都系红色为主，墙上挂上大大小小各种喜庆装饰，既似中国人过新年，又似嫁女取新抱，就算香港人睇到都觉得特别兴奋。加上门口一块相当抢镜嘅红色牌扁，夜晚行过真系点都会吸引到你目光。餐厅虽以苏杭菜为主打，但亦有部份港式菜式及西式甜品供应，明显唔系正宗，但我觉得只要好食就可以。餐前小食好特别，点心蒸笼内放上几粒合桃，俾鬼佬开饭前佐酒倾计，的确系别出心裁嘅好选择。香炸芝士春卷($60/4条) - 大大条萝卜丝春卷混入芝士，热辣辣嘅芝士够晒香滑，食落有少少似去Pizza Hut食芝心批感觉，既饱肚又好味，值得一试。雨花海哲头($64) - 莴笋咬落青翠多汁，口感爽脆，配合同样爽脆嘅海哲头真系最佳组合，加埋麻油淅醋微香，醒胃好味。四季豆酱爆猪柳($68) - 近似川菜煮法，将厚身嘅四季豆跟猪柳条一齐落镬爆，豆香跟肉香配合相得益彰，惹味非
呢间红双喜装修极有中国节日气氛，全间餐厅都系红色为主，墙上挂上大大小小各种喜庆装饰，既似中国人过新年，又似嫁女取新抱，就算香港人睇到都觉得特别兴奋。加上门口一块相当抢镜嘅红色牌扁，夜晚行过真系点都会吸引到你目光。
餐厅虽以苏杭菜为主打，但亦有部份港式菜式及西式甜品供应，明显唔系正宗，但我觉得只要好食就可以。餐前小食好特别，点心蒸笼内放上几粒合桃，俾鬼佬开饭前佐酒倾计，的确系别出心裁嘅好选择。
香炸芝士春卷($60/4条) - 大大条萝卜丝春卷混入芝士，热辣辣嘅芝士够晒香滑，食落有少少似去Pizza Hut食芝心批感觉，既饱肚又好味，值得一试。
雨花海哲头($64) - 莴笋咬落青翠多汁，口感爽脆，配合同样爽脆嘅海哲头真系最佳组合，加埋麻油淅醋微香，醒胃好味。
四季豆酱爆猪柳($68) - 近似川菜煮法，将厚身嘅四季豆跟猪柳条一齐落镬爆，豆香跟肉香配合相得益彰，惹味非常，而且四季豆够厚身，食落口感相当唔错。
香煎锅贴($56/8只) - 餐牌上锅贴同饺子都标榜系自家制作，而且更加系招牌菜，当然点都要试下。锅贴底部煎得金黄酥脆，不过肉饀部份较平庸，肉汁未够丰富，绝对摸不著头脑点解可以做招牌菜，实在莫名其妙...
以食物质素，服务水平同呢区价钱收费黎讲，红双喜都算应有水准。虽则小店目标顾客以外国游客为主，但以其特色装修同风味，绝对值得一试。
张贴
