影片
更多
2023-02-01
581 浏览
我同朋友相约到苏豪食饭，之前已经一直有留意「Le Jardin à Soho」呢间餐厅，因为佢有喺网上卖餐饮券。不过我哋就无买定，始终即场拣食乜，弹性大啲😃。餐厅占地两层，下层以饮嘢为主🥂，亦不乏打卡位，感觉有少少似神秘花园。上层楼底唔高，或许系阁楼，成个气氛亦好唔同，对比楼下光猛得多！呢度主打西餐菜式🍽，价钱算系中矩中举啦。食物即叫即整，制作需时，不过卖相吸引，色香味俱全。招牌香草焗鸡配烧粟米($198/半只)，🐔半只鸡份量都唔少。烧鸡几好肉，鸡肉肉质嫩滑，兼且并无雪味；而鸡皮则烤至微脆，就算唔蘸汁都已经够味。伴菜系烧粟米🌽，整法有啲似而家好流行嘅避风塘口味，粟米香甜爆汁，又不乏咸香。香辣蒜蓉大虾配多士($158)，香蒜辣汁超级惹味🤤，并混入埋香草同牛油，简直令人食指大动。虾有四只，而且坚系大只，口感非常爽弹🦐。由于个汁咁正，得四片多士完全觉得唔够喉，而且多士本身都烘到又松又脆🍞。苏格兰蛋($88)，佢系来自英国北部嘅美食🇬🇧，造型靓靓。苏格兰蛋外层经油炸，鸡蛋被香肠肉所包裹，虽然比较薄，但胜在肉质唔太松散；而鸡蛋蛋黄流心效果强劲🥚。菜式仲配上黑醋沙律菜，可清清味蕾。柠檬伯爵茶松饼配
我同朋友相约到苏豪食饭，之前已经一直有留意「Le Jardin à Soho」呢间餐厅，因为佢有喺网上卖餐饮券。不过我哋就无买定，始终即场拣食乜，弹性大啲😃。
餐厅占地两层，下层以饮嘢为主🥂，亦不乏打卡位，感觉有少少似神秘花园。上层楼底唔高，或许系阁楼，成个气氛亦好唔同，对比楼下光猛得多！
呢度主打西餐菜式🍽，价钱算系中矩中举啦。食物即叫即整，制作需时，不过卖相吸引，色香味俱全。
招牌香草焗鸡配烧粟米
$198
15 浏览
0 赞好
0 留言
招牌香草焗鸡配烧粟米($198/半只)，🐔半只鸡份量都唔少。烧鸡几好肉，鸡肉肉质嫩滑，兼且并无雪味；而鸡皮则烤至微脆，就算唔蘸汁都已经够味。伴菜系烧粟米🌽，整法有啲似而家好流行嘅避风塘口味，粟米香甜爆汁，又不乏咸香。
香辣蒜蓉大虾配多士
$158
18 浏览
0 赞好
0 留言
香辣蒜蓉大虾配多士($158)，香蒜辣汁超级惹味🤤，并混入埋香草同牛油，简直令人食指大动。虾有四只，而且坚系大只，口感非常爽弹🦐。由于个汁咁正，得四片多士完全觉得唔够喉，而且多士本身都烘到又松又脆🍞。
苏格兰蛋
$88
6 浏览
0 赞好
0 留言
苏格兰蛋($88)，佢系来自英国北部嘅美食🇬🇧，造型靓靓。苏格兰蛋外层经油炸，鸡蛋被香肠肉所包裹，虽然比较薄，但胜在肉质唔太松散；而鸡蛋蛋黄流心效果强劲🥚。菜式仲配上黑醋沙律菜，可清清味蕾。
柠檬伯爵茶松饼配云呢拿雪糕
$138
7 浏览
0 赞好
0 留言
柠檬伯爵茶松饼配云呢拿雪糕($138)，🥞松饼有惊喜，原件大大块，直径约12cm，并且有成吋厚。松饼口感松软，有少少似蛋糕，唔会太过空气或太湿。班戟除咗富蛋香之余，柠檬伯爵茶味亦同样突出🍋，整体唔会太甜。唯一要留意嘅地方就系云呢拿雪糕放上热松饼，溶得好快。
The Hidden Coconut
$90
11 浏览
0 赞好
0 留言
总括嚟讲，呢间苏豪西式小餐馆几高质，今晚食嘅每一道菜都好有水准👍。听讲佢周末有做Free Flow Brunch，我哋都有兴趣一尝呢！
张贴
