Ceres Boulangerie et Patisserie (已結業)

我嘅生日面包愿望实现咗喇！我之前睇过我生日嘅时侯ｃｅｒｅｓ哥哥话会整啲嘢比我，我已经好期待！妈咪同家姐今日就去ｃｅｒｅｓ度睇吓哥哥记唔记得，佢就叫我妈咪一个钟头后黎椤，因为仲局紧．．我仲以为佢会唔记得我系屋企等到颈都长埋，终于．．妈咪好开心咁拎咗一盒好大嘅ｃｅｒｅｓ盒番黎！我即刻急不及待打开，见到一个我一世人最钟意嘅“蛋糕”！哥哥竟然整咗𠮶巨型苹果包俾我，仲要系独一无二！我真系好好好好开心，连爸爸都过黎诊热闹．哥哥同妈咪讲呢个系佢第一次整，但系我觉得仲味过平日嘅苹果包！外面依然咁烟韧，里面嘅苹果好大，提子，合桃同苹果多到啖啖都有．ｄｅｎｓｅ得黎有湿润嘅感觉系冇人能及！单系𠮶份诚意已经值１５０份！爸爸见到我咁开心就系生日咭上面画咗我同苹果包“蛋糕”嘅公仔！虽然我今个生日总共食咗四个生日蛋糕，但系呢个绝对系我最钟意！妈咪仲买多咗两个苹果包，睇黎我要黎紧嘅几日当苹果包系我生命嘅食粮先得喇