華輝餐廳 (已結業)

一心谂住嚟食三个苹果批竟然卖晒，真系令人伤心，不过既然坐低咗就费事行嚟行去，试吓食其他嘢啦，事关次次黎亲呢一间茶餐厅都系净系食苹果批。虽然冇苹果批但系侍应姐姐话试唔试吓佢哋嘅鸡批，咁又试吓啦，都系三个批，嚟到嘅时候少少暖气，味道都唔错，入面嘅馅类似白汁鸡皇饭𠮶啲白汁鸡皇。另外就叫咗一个下午茶餐，食西多士饮热柠水，西多士热辣辣好好食，佢用呢只韩国糖胶都唔错，冇太古𠮶只咁甜。塞翁失马，焉知非福。